ဘောလိဝုဒ်လောကမှာ အနုပညာမျိုးရိုးရှိပေမဲ့ သရုပ်ဆောင်အလုပ်ထက် အခြားအသက်မွေးဝမ်းကျောင်းအလုပ်တွေကို ရွေးချယ်ခဲ့ကြတဲ့သူတွေရှိပါတယ်။ သူတို့တွေက ရုပ်ရည်လည်း အသင့်တင့်ရှိကြတဲ့အတွက် သရုပ်ဆောင်အလုပ်လုပ်မယ်ဆိုရင် လုပ်လို့ရတဲ့ အနေအထားမှာရှိကြပါတယ်။ သူတို့တွေက ဘယ်သူတွေလဲဆိုတာစာဖတ်ပရိသတ်တွေသိရအောင် ဖော်ပြပေးလိုက်ရပါတယ်။
အာရမ် ခန်း
![](https://yoyarlay.com/wp-content/uploads/2022/11/25-11-2022yyl09.jpg)
ဘောလိဝုဒ်စူပါစတား ရှရွတ်ခန်းရဲ့သားအကြီးဆုံး အာရမ်ခန်းဟာ အနုပညာလောကထဲဝင်ရောက်လို့ရနိုင်တဲ့အခွင့်အရေးတွေများစွာရှိပါတယ်။ ဒါပေမဲ့ သူဟာ သရုပ်ဆောင်အလုပ်ထက် ဒါရိုက်တာအလုပ်နဲ့ စာရေးတဲ့အလုပ်မှာ ပိုပြီးစိတ်ဝင်စားတဲ့အတွက် အဲဒီအလုပ်တွေကိုပဲ လုပ်ဖို့ အစီအစဉ်ရှိနေပါတယ်။ ဒါရိုက်တာတွေဖြစ်တဲ့ ခါရမ် ဂျိုဟာနဲ့ ဇိုရာ အက်ထာဆီက သရုပ်ဆောင်ကမ်းလှမ်းချက်တွေကိုလည်း ငြင်းပယ်ခဲ့ပါတယ်။
နာဗ်ရာ နာဗီလီ နန်ဒါ
![](https://yoyarlay.com/wp-content/uploads/2022/11/25-11-2022yyl10.jpg)
ဝါရင့်သရုပ်ဆောင်မင်းသားကြီး အမီတာဘဂျမ်းရဲ့မြေးမလေး နာဗ်ရာကလည်း အနုပညာမျိုးရိုးကနေ ဆင်းသက်လာတဲ့သူဖြစ်ပေမဲ့ သရုပ်ဆောင်အလုပ်ကို မရွေးချယ်ခဲ့ပါဘူး။ သူ့အဖေလိုပဲ သူဟာ စီးပွားရေးလမ်းကြောင်းပေါ် လျှောက်ဖို့ ဆုံးဖြတ်ခဲ့ပါတယ်။ လက်ရှိမှာ သူက အမျိုးသမီးကျန်းမာရေးနဲ့ကြံ့ခိုင်မှုပလပ်ဖောင်း Aara Health ရဲ့တွဲဖက်တည်ထောင်သူနဲ့ စီအီးအိုဖြစ်ပါတယ်။ နာဗ်ရာက အမီတာဘဂျမ်းရဲ့သမီးကြီးဖြစ်တဲ့ ရွှေတာဘဂျမ်းရဲ့သမီးဖြစ်ပါတယ်။
ရှာဟင်းဘက်တ်
![](https://yoyarlay.com/wp-content/uploads/2022/11/25-11-2022yyl11.jpg)
ဘောလိဝုဒ်မင်းသမီး အလီယာဘက်တ်ရဲ့အစ်မ၊ ရုပ်ရှင်ဒါရိုက်တာ မာဟက်ရှ် ဘက်တ်ရဲ့သမီးဖြစ်တဲ့ ရှာဟင်းဘက်တ်က သရုပ်ဆောင်အလုပ်ထက် စာရေးဆရာအလုပ်ကို ရွေးချယ်ခဲ့ပါတယ်။ သူက စိတ်ဓာတ်ကျတာကနေ လွတ်မြောက်ခဲ့သူလည်းဖြစ်ပြီး သူ့ရဲ့လွတ်မြောက်ခြင်းဇာတ်လမ်းတွေနဲ့ ကမ္ဘာကြီးကို လှုံဆော်ပေးနေတာပါ။ သူက အက်ဒီတာနဲ့ရုပ်ရှင်ဖန်တီးသူအဖြစ်လည်း ကြိုးစားခဲ့ပါတယ်။
ခရစ်ရှနား ရှရော့ဖ်
![](https://yoyarlay.com/wp-content/uploads/2022/11/25-11-2022yyl12.jpg)
အက်ရှင်မင်းသားတိုက်ဂါးရှရော့ဖ်ရဲ့ညီမဖြစ်သူ ခရစ်ရှနား ရှရော့ဖ်ကလည်း သရုပ်ဆောင်အလုပ်မလုပ်ပါဘူး။ ဘတ်စကတ်ဘောနည်းပြနဲ့ fitness သမားတစ်ယောက်ပါ။ မွမ်ဘိုင်းမှာ MMA Matrix နာမည်နဲ့ Fitness Centre ဖွင့်ထားပါတယ်။
ရစ်ဒ်ဟီမာ ကာပူးရ် ဆာနီ
![](https://yoyarlay.com/wp-content/uploads/2022/11/25-11-2022yyl13.jpg)
ကာပူးလ်မိသားစုရဲ့ သမီး၊ မင်းသားရန်ဘီယာ ကာပူးရ်ရဲ့ညီမ ရစ်ဒ်ဟီမာက လက်ဝတ်ရတနာဒီဇိုင်နာတစ်ဦးအဖြစ် လုပ်ကိုင်နေပါတယ်။ ဝါရင့်သရုပ်ဆောင်တွေဖြစ်တဲ့ ရီရှီ ကာပူးရ်နဲ့ နီတူ ကာပူးရ်တို့ရဲ့သမီးဖြစ်တဲ့ ရစ်ဒ်ဟီမာက ယောဂဝါသနာပါသူလည်းဖြစ်ပါတယ်။
Ref: Indiatimes “From Aryan Khan To Navya Naveli, Star Kids Who Skipped Bollywood To Choose A Different Career”
WL ( ရိုးရာလေး )