မြေး ၁၂ ဦးရဲ့အဘွားဖြစ်သူ အသက် ၆၁ နှစ်အရွယ် ဒွန်နာ ဂျင်းဆိုသူက အချိန်ကြာမြင့်စွာ plank ထောက်ကာ သူ့ရဲ့အရင်ကမ္ဘာ့ဂင်းနက်စ်စံချိန်ကို ချိုးဖျက်နိုင်ခဲ့ပါတယ်။ သူဟာ အခုအပတ် Huntsman World Senior Games မှာ စံချိန်သစ်တင်ဖို့ ကြိုးစားခဲ့တာပါ။ သူက ၅ နာရီကြာ plank ထောက်ပြခဲ့တာပါ။
ဒွန်နာဟာ ၂၀၂၄ ခုနှစ် မတ်လ ၂၁ ရက်နေ့က ၄ နာရီ ၃၀ မိနစ် ၁၁ စက္ကန့်ကြာ Plank ထောက်ပြီးတော့ ကမ္ဘာ့ဂင်းနက်စ်စံချိန်တင်ခဲ့တာလို့ Gunness World Records က အတည်ပြုပေးထားပါတယ်။ အခုစံချိန်အသစ်ကြိုးစားမှုအတွက် လျှောက်လွှာကို လက်ခံရရှိထားပြီး စံချိန်သစ်အတွက် တရားဝင်မကြေညာခင် အထောက်အထားတွေကို စိစစ်သွားမှာဖြစ်တယ်လို့လည်း ပြောပါတယ်။
စံချိန်ချိုးဖို့ကြိုးစားတာမှာ ပြင်ဆင်လေ့ကျင့်မှုတွေမှာ အသက် ၃ နှစ်အရွယ်မြေးမလေးကို သူ့ကျောပေါ်မှာ လှဲအိပ်စေပြီးတော့ Plank ထောက်ခဲ့တာလည်း ပါဝင်ခဲ့တယ်လို့ ဒွန်နာက ပြောပါတယ်။ သူ ၅ နာရီကြာ plank ထောက်နိုင်မယ်ဆိုတာ မသေချာခဲ့ဘူး။ ကြိုးစားတဲ့အချိန်အတွင်း လက်လျှော့လိုက်ဖို့တောင် စဉ်းစားမိခဲ့တယ်လို့လည်း ပြောပါတယ်။
သူက ၅ နာရီကြာ plank ထောက်ပြီးတဲ့နောက်မှာ မနားဘဲ နောက်နေ့မနက်ခင်းမှာ မီတာ ၃၀၀၀ ပြေးခဲ့ပါသေးတယ်။ သူ နောက်ထပ်ကြိုးစားမှုအနေနဲ့ ၁ နာရီအတွင်း pushup အကြိမ်ရေ အနည်းဆုံး ၁၆၀၀ ကြိမ်လုပ်ဖို့ မျှော်လင့်ထားပါတယ်။ အရင်က ၁ နာရီအတွင်း pushup အကြိမ်ရေ ၁၅၇၅ ကြိမ်လုပ်ပြီးတောာ့ စံချိန်ချိုးခဲ့ဖူးပါတယ်။
Ref: Grandmother of 12 holds plank for 5 hours in new world record attempt
WL (ရိုးရာလေး)
