အိန္ဒိယနိုင်ငံက အန်ဒမန်နဲ့ နီကိုဘာကျွန်းစုမှာထူးခြားတဲ့အရာတစ်ခုဖော်ဆောင်နိုင်ခဲ့ပါတယ်။ နှစ်ရက်ဆက်တိုက် အိန္ဒိယသမုဒ္ဒရာရေမျက်နှာပြင်အောက်မှာ ကမ္ဘာ့ဂင်းနက်စ်စံချိန်မှတ် ၂ ခု ချိုးခဲ့တာပါ။ အခုလိုဆက်တိုက်အောင်မြင်မှုတွေက ရေငုပ်တာနဲ့ ရေကြောင်းခရီးသွားလုပ်ငန်းအတွက် နိုင်ငံတကာခရီးစဉ်တစ်ခုအဖြစ် သတ်မှတ်ဖို့ ဒေသဆိုင်ရာအာဏာပိုင်တွေရဲ့ရည်ရွယ်ချက်ရှိရှိတွန်းအားပေးမှုရဲ့တစ်စိတ်တစ်ပိုင်းဖြစ်ပါတယ်။
မေလ ၃ ရက်နေ့က ရေငုပ်သမား ၁၄ ဦးဟာ Havelock ကျွန်းဟုလူသိများသော Swaraj Dweep ကမ်းရိုးတန်းရှိရေအောက်ကို ဆင်းသက်ခဲ့ပြီး အရှည် ၂၂.၃ မီတာရှိတဲ့ လူသားအစုအဝေးပြုလုပ်ခဲ့ပါတယ်။ ဂင်းနက်စ်စံချိန်ပြည့်မီဖို့အတွက် ၃ မိနစ်ကြာ လူသားအစုအဝေးပုံစံနဲ့ ရေအောက်မှာ ရှိနေခဲ့ရပါတယ်။
ဒါကတော့ အဲ့ဒီရေအောက်မှာပဲ အိန္ဒိယအလံကို ဖြန့်ကျက်ခဲ့တဲ့ စံချိန်ကို ချိုးပြီးနောက် ၂၄ နာရီအတွင်း ထပ်ပြီးစံချိန်ချိုးခဲ့တာပါ။ မေလ ၂ ရက်နေ့က ရေငုပ်သမားတွေက မီတာ ၆၀-၄၀ ရှိတဲ့ အိန္ဒိယအလံကို ဖြန့်ကျက်ခဲ့တာပါ။ ကျွန်းတွေရဲ့ ရေကြောင်းဂေဟစနစ်ကို အာရုံစိုက်စေဖို့နဲ့ ရေငုပ်အသိုင်းအဝိုင်းဟာ အမှန်တကယ်လုပ်ဆောင်နိုင်တဲ့အရာကို ပြသဖို့ ပိုမိုကျယ်ပြန့်တဲ့အစိုးရရဲ့ အစီအစဉ်တစ်ခုအနေဖြင့် နှစ်ခုစလုံးကို ကြိုတင်စီစဉ်ထားတာဖြစ်တယ်လို့ အာဏာပိုင်တွေက အတည်ပြုခဲ့ပါတယ်။ အောင်မြင်မှုနှစ်ခုစလုံးဟာ လာမယ့်ရက်သတ္တပတ်တွေအတွင်း ပြည်တွင်းနဲ့ နိုင်ငံတကာမီဒီယာတွေရဲ့ စိတ်ဝင်စားမှုကို သိသိသာသာဆွဲဆောင်နိုင်မယ်လို့ မျှော်လင့်ရပါတယ်။
Ref: India Just Broke Two Guinness World Records Underwater And Most People Haven’t Even Heard About It
WL (ရိုးရာလေး)
