နာမည်ကြီးကြယ်ပွင့်စုံတွဲဖြစ်တဲ့ နစ်ခ်ဂျိုးနက်စ်နဲ့ ပရီယင်ကာချိုပရာတို့ရဲ့သမီးလေး မာလ်တီ မေရီဟာ အသက် ၂ နှစ်ပြည့်သွားပါပြီ။ ဒီကနေ့မနက်ခင်းမှာ နစ်ခ်က သမီးလေးရဲ့ပုံနဲ့အတူ “ကျွန်တော်တို့ရဲ့နတ်သမီးလေး အသက် ၂ နှစ်ရှိပါပြီ” ဆိုတဲ့စာသားလေးနဲ့ သူ့ရဲ့အင်စတာဂရမ်အကောင့်မှာ တင်ခဲ့တာပါ။
မာလ်တီလေးက မိဘတွေအပြင် အခြားမိသားစုဝင်တွေနဲ့ပါ မွေးနေ့ပွဲကို ဆင်နွှဲခဲ့တာကို ပုံတွေမှာ မြင်တွေ့ရပါတယ်။ ပရီယင်ကာရဲ့မန်နေဂျာကလည်း မာလ်တီလေးရဲ့မွေးနေ့ပွဲဆင်နွှဲတဲ့ပုံတွေကိုလည်း သူ့ရဲ့ Instagram story မှာ တင်ခဲ့ပါတယ်။
နစ်ခ်နဲ့ ပရီယင်ကာတို့က ၂၀၁၈ ခုနှစ်မှာ လက်ထပ်ခဲ့ကြပြီး မာလ်တီလေးကို ၂၀၂၂ ခုနှစ် ဇန်နဝါရီလမှာ ပိုင်ဆိုင်ခဲ့တာပါ။
Ref: Inside Malti Marie’s 2nd Birthday Celebrations With Priyanka Chopra And Nick Jonas
WL (ရိုးရာလေး)
