ကမ္ဘာကျော်မင်းသားကြီး ဂျက်ကီချမ်းဟာ တရုတ်နိုင်ငံထုတ်အမှတ်တံဆိပ်တွေကို နှစ်သက်ကြောင်းပြသပြီးတော့ သူ့ရဲ့မျိုးချစ်စိတ်ဓာတ်ကို အကြိမ်ပေါင်းများစွာ လူသိရှင်ကြားထုတ်ဖော်ပြခဲ့ဖူးပါတယ်။ မကြာသေးခင်ကလည်း ချန်ဒူးမြို့က Huawei ဖုန်းဆိုင်မှာ ဂျက်ကီချမ်းဖုန်းဝယ်နေတာကို လူမှုကွန်ယက်အသုံးပြုသူတစ်ဦးတွေ့ခဲ့ပြီး အဲဒီအကြောင်းကို လူမှုကွန်ယက်ပေါ်တင်ခဲ့ပါတယ်။
![](https://yoyarlay.com/wp-content/uploads/2023/09/15.9.23-yyl-2.jpg)
“Wanda Plaza က Huawei ဖုန်းဆိုင်မှာ ရှိနေတုန်း ဂျက်ကီချမ်းနဲ့ အမှတ်မတင်တွေ့ခဲ့တယ်။ ဖုန်းဝယ်ဖို့ သူကိုယ်တိုင် ဆိုင်လာမယ်လို့ မမျှော်လင့်ခဲ့တာ၊ သူ့ကို မနှောင့်ယှက်ချင်လို့ လက်မှတ်မထိုးခိုင်းလိုက်ဘူး။ သူနဲ့အတူ ဓာတ်ပုံတွဲရိုက်ဖို့အတွက် သူ ဖုန်းဝယ်ပြီးတဲ့အထိ စောင့်ခဲ့ပေမဲ့ သူ့ရဲ့ဝန်ထမ်းက ငြင်းခဲ့တယ်”လို့ ရေးသားခဲ့တာပါ။
![](https://yoyarlay.com/wp-content/uploads/2023/09/15.9.23-yyl-3.jpg)
ဂျက်ကီချမ်းက Huawei ဖုန်းမော်ဒယ်အမျိုးမျိုးကို ကြည့်နေပြီး Huawei ဝန်ထမ်းကို ဖုန်းအကြောင်းမေးမြန်းနေတာကို ပုံတွေမှာ မြင်တွေ့ရပါတယ်။ ဂျက်ကီချမ်းက အသစ်ထွက်ရှိထားတဲ့ Mate 60 စမတ်ဖုန်းကို ဝယ်ယူချင်ခဲ့ပေမဲ့ ပစ္စည်းကုန်နေခဲ့တယ်။ ဒါကြောင့် Mate X3 ကိုပဲ ဝယ်ယူဖြစ်ခဲ့တယ်လို့ အဲ့ဒီလူမှုကွန်ယက်အသုံးပြုသူက ပြောပါတယ်။
![](https://yoyarlay.com/wp-content/uploads/2023/09/15.9.23-yyl-4.jpg)
ဂျက်ကီချမ်းဟာ Huawei ဖုန်းတွေကို ၂၀၁၆ ခုနှစ်ကတည်းက အသုံးပြုနေခဲ့တာပါ။ ၂၀၁၉ ခုနှစ်ကလည်း ပရိသတ်တစ်ဦးက ပွဲတစ်ပွဲမှာ ဂျက်ကီချမ်းကို Huawei ဖုန်းတစ်လုံးပေးခဲ့တဲ့အချိန်က သူဟာ Huawei ဖုန်း ၃ လုံးကို ထုတ်ပြခဲ့ပြီး “ကျွန်တော် Huawei ဖုန်းကို သုံးပြီး ဒီဖုန်းအမျိုးအစားတော်တော်များများရှီပါတယ်။ တရုတ်လူမျိုးတွေက ပြည်တွင်းထုတ်ကုန်တွေကို အသုံးပြုသင့်တယ်။ ကျွန်တော် ဘယ်နေရာသွားသွား အခြားသူတွေကို ဒါကိုပဲသုံးဖို့ အကြံပြုပေးမှာပါ။ ဒါတွေကို အသုံးပြုခဲ့တာတော်တော်ကြာပါပြီ။ ဖုန်းစကရင်တွေလည်း ကွဲအက်နေပြီ”လို့ပြောခဲ့တာပါ။
Ref: Jackie Chan Seen Buying Huawei Phone; Once Said All Chinese People Should Use Chinese Products
WL (ရိုးရာလေး)