ထိုင်းမင်းသားချော Kao Noppakao က မကြာခင်ထွက်ရှိမယ့် Beneath the Lies ဇာတ်လမ်းတွဲရိုက်ကွင်းနဲ့ပတ်သက်ပြီး ဖွင့်ဟလာခဲ့ပါတယ်။ သူက နာမည်ကြီးမင်းသမီး Yaya Urassaya နဲ့ နာမည်ကြီးမင်းသား Gulf Kanawut တို့နဲ့အတူ ပါဝင်ထားတာပါ။
သူ့ရဲ့စီနီယာမင်းသမီး Yaya နဲ့ ချစ်ခန်းကြိုက်ခန်းရိုက်ရတာက သူ့အတွက် အတော်လေးစိန်ခေါ်မှုဖြစ်တယ်လို့ ဆိုပါတယ်။ Yaya က သူ့ရဲ့ စီနီယာမင်းသမီး၊ ပရော်ဖက်ရှင်မင်းသမီးဖြစ်တဲ့အပြင် ခံစားချက်အပြည့်နဲ့ သရုပ်ဆောင်ပိုင်နိုင်မှုတွေကြောင့် သူဟာ အရမ်းစိတ်လှုပ်ရှားခဲ့ရတယ်။ Yaya နဲ့ Yaya ရဲ့ခင်ပွန်းဖြစ်သူ Nadech Kugimiya အပေါ် လေးစားသမှုရှိရမယ်လို့ ခံစားခဲ့ရပါတယ်။ သူ အရမ်းစိတ်လှုပ်ရှားတဲ့အတွက် ချစ်ခန်းကြိုက်ခန်းမရိုက်ခင် Nadech Kugimiya ဆီက ခွင့်တောင်းရမလိုတောင်ဖြစ်ခဲ့ရတယ်လို့ စနောက်ဖြေကြားခဲ့ပါတယ်။
Kao Noppakao က အဆိုတော်မင်းသားဖြစ်ပြီး ၂၀၂၁ ခုနှစ်မှာ Channel 3 ရုပ်သံလိုင်းနဲ့ စာချုပ်ချုပ်ဆိုခဲ့တာပါ။ သူဟာ BL ဇာတ်လမ်းတွဲတွေဖြစ်တဲ့ Until We Meet Again နဲ့ Lovely Writer: The Series မှာ ပါဝင်ခဲ့ပါတယ်။ BL ဇာတ်လမ်းတွဲမဟုတ်တဲ့ ၂၀၂၄ ခုနှစ်ရဲ့ Duangjai Dhevaprom: Laorchan / Kwanruetai ဇာတ်လမ်းတွဲမှာလည်း အဓိကသရုပ်ဆောင်အဖြစ် ပါဝင်ခဲ့ပါသေးတယ်။ Yaya နဲ့ သရုပ်ဆောင်ထားတဲ့ Beneath the Lies ဇာတ်လမ်းတွဲကတော့ အောက်တိုဘာ ၆ ရက်နေ့မှာ ထုတ်လွှင့်ပြသမှာဖြစ်ပါတယ်။
Ref: Kao Noppakao admits he was extremely nervous filming romantic scenes with his senior actress Yaya Urassaya
WL (ရိုးရာလေး)
