စကော့တလန်နိုင်ငံကနေ လန်ဒန်ကို ထွက်ခွာမယ့် အိပ်စင်ရထားပေါ်မှာ လိုက်ပါခဲ့တဲ့ အမျိုးသားဟာ နောက်တစ်နေ့နံနက် အိပ်ယာနိုးချိန်အထိ ဘူတာမှာပဲ ရှိနေသေးကြောင်း သိလိုက်ရလို့ အံ့အားသင့်သွားတဲ့အကြောင်း တွစ်တာမှာ ရေးသားခဲ့ပါတယ်။
ဂျင်မက်ကယ်ဖီလို့ အမည်ရတဲ့ အမျိုးသားဟာ ဇူလိုင်လ ၁၉ ရက်ညက Caledonian Sleeper အိပ်စင်ရထားပေါ် တက်ခဲ့ပြီး အိပ်ပျော်သွားခဲ့တာပါ။ သူဟာ နောက်တစ်နေ့ နံနက် ၅ နာရီခွဲအချိန်မှာ (ရထားလိုင်း ဝန်ထမ်းတွေက မနက်စာပို့ဖို့ တံခါးလာခေါက်တော့မှ) နိုးလာခဲ့ပြီး လန်ဒန်မြို့ကို ရောက်နေပြီအထင်နဲ့ ဘေးဘီဝဲယာ ကြည့်လိုက်ချိန်မှာ စကော့တလန်နိုင်ငံ ဂလက်စဂိုမြို့မှာပဲ ရှိနေသေးကြောင်း သိခဲ့တာပါ။
ဒါဟာ Caledonian Sleeper အိပ်စင်ရထားကို သူ စီးခဲ့တဲ့ ၁၅ နှစ်တာကာလအတွင်း အထူးဆန်းဆုံးဖြစ်ရပ်ပဲလို့ ဂျင်မက်ကယ်ဖီက ဆိုခဲ့ပါတယ်။ ဗြိတိန်နိုင်ငံတစ်ဝန်း စံချိန်တင်အပူချိန် မြင့်တက်ခဲ့ပြီးနောက် စကော့တလန်-လန်ဒန် ရထားလမ်းပိုင်းမှာ ရထားလမ်း ယိုယွင်းပျက်စီးမှု ရှိခဲ့လို့ ရထားမထွက်ခဲ့တာဖြစ်ကြောင်း Caledonian ရထားလိုင်းရဲ့ စီမံခန့်ခွဲမှုမန်နေဂျာ ကက်သရင်းက ဆိုပါတယ်။ အဲဒီအတွက် ခရီးသည်အားလုံးကိုလည်း လက်မှတ်ခငွေ ပြန်အမ်းပေးသွားမယ်လို့ သူက ပြောပါတယ်။
Ref: Man Wakes Up On Sleeper Train To Discover It Never Even Left The Station
NZ (ရိုးရာလေး)
