ဆံပင်ဖြူတွေကို ပြန်လည်နက်မှောင်သွားစေမယ့် ရေနွေးကြမ်းရဲ့အသုံးဝင်ပုံများ

tea.png

ဆံပင်ဖြူလို့ စိတ်ညစ်နေပြီလား။ ဆံပင်အဖြူတွေကိုဖုံးအုပ်ပစ်ဖို့ ဓာတုပစ္စည်းတွေပါဝင်တဲ့ဆိုးဆေးတွေအသုံးပြုရတာ ပင်ပန်းနေပြီလား။ ဆံပင်ဖြူတာတွေကို သဘာဝအတိုင်းမည်းနက်သွားချင်ရင်တော့ နည်းလမ်းတွေရှိပါတယ်။ ဆံပင်နဲ့ပတ်သက်ပြီး ရေနွေးကြမ်းရဲ့အသုံးဝင်ပုံတွေက အံ့အားသင့်စရာပါပဲ။ သင့်ရဲ့ဆံပင်ဖြူတွေကို ပြန်လည်နက်မှောင်သွားစေမယ့် ရေနွေးကြမ်းရဲ့အစွမ်းသတ္တိတွေကို ပြောပြပေးလိုက်ပါတယ်။

ရေနွေးကြမ်းက ဆံပင်ကို နက်မှောင်စေနိုင်တဲ့ တန်နစ်အက်ဆစ် (tannic acid) ပါဝင်ပါတယ်။ လက်ဖက်ခြောက်များတဲ့ရေနွေးကြမ်းကို အအေးခံပြီး ဆံပင်ပေါ်လောင်ချလိုက်ပါ။ ရေနွေးနွေးလေးနဲ့ လျှော်မပစ်ခင် မိနစ် (၃၀) လောက် ထားလိုက်ရမှာဖြစ်ပါတယ်။

ကော်ဖီနဲ့ ရေနွေးကြမ်း

ရေနွေးကြမ်းနဲ့ ကော်ဖီကို ရောစပ်ခြင်းကလည်း ဆံသားကို နက်မှောင်စေနိုင်ပါတယ်။ ကျွန်မတို့လုပ်ရမှာက ရေနွေးကြမ်းထဲကို ကော်ဖီမှုန့် (လက်ဖက်ရည်ဇွန်း (၃) ဇွန်း) ကို ထည့်လိုက်ရမှာပါ။ အဲဒီအရောနှောကို (၅) မိနစ်လောက် ပြုတ်ပေးလိုက်ပါ။ အရောအနှော အေးသွားတဲ့အခါ ဘရက်ရှ်နဲ့ သုတ်လိမ်းလိုက်ပါ။ အဲဒီနောက် (၁) နာရီလောက်ထားပြီး ရိုးရိုးရေနဲ့ ခေါင်းလျှော်လိုက်ရမှာဖြစ်ပါတယ်။

ဆေးဘက်ဝင်အပင်တွေနဲ့ ရေနွေးကြမ်း

Rosemary ချုံပင်အရွက်၊ တောရှုံးပင်အရွက်တွေနဲ့ ရေနွေးကြမ်းကိုရောပြီး ပြုတ်လိုက်ပါ။ အဲဒီနောက် သင့်ဆံပင်ကို အဲဒီအရောအနှောတွေ လိမ်းလိုက်ပြီး ဆံပင်အရှည်ပေါ်မူတည်ပြီး အနည်းဆုံး (၁-၂) နာရီလောက်ထားလိုက်ပါ။ ပြီးရင် ရိုရိုးရေနဲ့ ခေါင်းလျှော်လိုက်ရမှာဖြစ်ပါတယ်။

ရေနွေးကြမ်းနဲ့ပင်စိမ်း

ရေနွေးကြမ်း (စားပွဲတင်ဇွန်း (၅) ဇွန်း) နဲ့ ပင်စိမ်းရွက် (ငါးရွက်)တို့ကို ရောနှောပြုတ်လိုက်ပါ။ လတ်ဆတ်တဲ့သံပုရာရည်စက်အနည်းငယ်ကိုလည်း ရေထည့်လို့ရပါတယ်။ အဲဒီအရောအနှောတွေက ဆံပင်ဖြူတွေကို ပြန်လည်နက်မှောင်လာစေပါတယ်။

Ref: TOI “Ways black tea can naturally darken your grey hair”
WL(ရိုးရာလေး)

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top