Mega Lifesciences Ltd (Myanmar) ဆေးဝါးကုမ္ပဏီကြီးက ကမ္ဘာ့ကူးစက်ရောဂါ COVID- 19 ကာလအတွင်း ကျန်းမာရေးစောင့်ရှောက်မှုပေးနေတဲ့ ဆေးရုံများ၊ ကျန်းမာရေးဓာတ်ခွဲခန်းတွေနဲ့ ကျန်းမာရေး ဝန်ထမ်းတွေကို ဗီတာမင်စီ (၁,၀၀၀) မီလီဂရမ် Nat C ဆေးဗူးတွေကို လှူဒါန်းပေးခဲ့တယ်လို့ သိရပါတယ်။ ဆေးတစ်ဗူးမှာ ဆေးတောင့် (၃၀) ပါဝင်တဲ့ Nat C ဆေးဗူးပေါင်း (၁,၄၄၀) ကို ရန်ကုန်မြို့အနှံ့ အပြားရှိဆေးရုံတွေ၊ ဓာတ်ခွဲခန်းတွေမှာ တာဝန်ထမ်းဆောင်နေတဲ့ ကျန်းမာရေးဝန်ထမ်းတွေအတွက် အဓိကရည်ရွယ်ပြီး ပေးအပ်လှူဒါန်းတာဖြစ်ပါတယ်။
ဗီတာမင်စီ (၁,၀၀၀) မီလီဂရမ် Nat C ကို တောင်ဥက္ကလာပဆေးရုံကြီး COVID အထူးကုစင်တာ၊ ဝေဘာဂီဆေးရုံကြီး COVID အထူးကုစင်တာ၊ ရန်ကုန်အထွေထွေရောဂါကု ဆေးရုံသစ်ကြီး၊ အင်းစိန်ဆေးရုံ၊ ရန်ကုန်ပြည်သူ့ဆေးရုံကြီး၊ ကုတင်(၅၀၀) ရန်ကုန်အထူးကုဆေးရုံကြီး၊ ရန်ကုန် အနောက်ပိုင်းဆေးရုံ၊ မြောက်ဥက္ကလာပဆေးရုံ၊ သင်္ကန်းကျွန်းဆေးရုံတိုက ဆေးပညာဌာနများ၊ အမျိုးသားကျန်းမာရေးဓာတ်ခွဲခန်းနဲ့ ရန်ကုန်ဖျားနာလူနာများကုသမှု(ဗဟို) အသီးသီးတို့မှာ လှူဒါန်းခဲ့တာဖြစ်တယ်လို့ သိရပါတယ်။
Mega Lifesciences Ltd ရဲ့ Nat C က သဘာ၀ ဗီတာမင်စီ (၁,၀၀၀) မီလီဂရမ် ပါဝင်တဲ့အတွက် အကောင်းဆုံးကိုယ်ခံစွမ်းအားကို ရရှိစေခြင်း၊ နှင်းဆီသီးပါဝင်ပြီး Buffered Form ဖြင့်ထုတ်လုပ် ထားခြင်းကြောင့် အက်စစ်ဓာတ်လွန်ကဲခြင်း မရှိတဲ့အတွက် အစာအိမ်ရောဂါရှိသူတွေအတွက်လည်း သင့်တော်တယ်လို့ သိရပါတယ်။
Nat C (၁,၀၀၀) မီလီဂရမ် ကို တစ်နေ့တစ်လုံး အစာစားပြီးတိုင်း ပုံမှန်သုံးစွဲမယ်ဆိုရင် ကိုယ်ခံစွမ်းအားကို မြှင့်တင်ပေးခြင်း၊ အအေးမိ၊ တုပ်ကွေးဖျားနာများမှ ကာကွယ်ပေးနိုင်ခြင်း၊ စိတ်ကိုကြည်လင် လန်းဆန်းစေခြင်းစတဲ့ အကျိုးကျေးဇူးတွေ ရရှိစေတယ်လို့လည်းသိရပါတယ်။
Team (ရိုးရာလေး)
