သီတဂူဆရာတော်က ဆန်အိတ် ၁၆,၀၀၀ ကျော်နဲ့ ဆီပိသာချိန် ၁၆,၀၀၀ ကျော် လှူဒါန်းသွားမယ်

8-6-2020-yyl-021.jpg

သီတဂူဆရာတော်ကြီးက ရန်ကုန်တိုင်းရဲ့ မြို့နယ် ၂၉ မြို့နယ်အတွင်းက ၁၀ ပါးအထက် သီတင်းသုံး နေထိုင်ကြတဲ့ သီလရှင်တိုက်ပေါင်း ၃၇၇ ကျောင်းအတွက် ဆန်အိတ်ပေါင်း ၁၆,၀၀၀ ကျော်နဲ့ ဆီပိသာချိန်ပေါင်း ၁၆,၀၀၀ ကျော်လှူဒါန်းသွားမှာ ဖြစ်ပါတယ်။

အဲဒီကျောင်းတိုက်တွေမှာရှိတဲ့ သီလရှင် ၁၆,၃၇၇ ပါးအတွက် တစ်ပါးကို ဆန် ၁၆ ပြည်ပါရှိတဲ့ တစ်တင်းအိတ်(၁)အိတ်နဲ့ ဆီ(၁)ပိသာကို ဇွန် ၈ ရက်၊ မွန်းလွဲ ၁ နာရီကစတင်ပြီးတော့ လှူဒါန်းသွားဖို့ ပြင်ဆင်နေပါတယ်။

ကနဦးအနေနဲ့ ဒဂုံမြို့သစ်( တောင်ပိုင်း)၊ ဒဂုံမြို့သစ်( မြောက်ပိုင်း)၊ တောင်ဥက္ကလာပ၊ မြောက်ဥက္ကလာပ၊ သာကေတ စတဲ့ ၅ မြို့နယ်က သီလရှင်ကျောင်းတိုက် ၄၆ ကျောင်းမှာရှိတဲ့ သီလရှင် ၂,၇၂၈ ပါးကို စတင် လှူဒါန်းသွားမှာဖြစ်ပါတယ်။

ဒါ့အပြင် ကျန်ရှိတဲ့ မြို့နယ် ၂၄ မြို့နယ်က သီလရှင်ကျောင်းတိုက်တွေကိုလည်း သက်ဆိုင်ရာ မြို့နယ်အုပ်ချုပ်ရေးဌာနနဲ့ သာသနာရေးဌာနတွေကတစ်ဆင့် ကျောင်းတိုက်အရောက်ပို့ဆောင်ပေးနိုင်ဖို့ စီစဉ် ဆောင်ရွက်နေပါတယ်။

kst ( ရိုးရာလေး)

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top