ဖင်လန်နိုင်ငံ ဝန်ကြီးချုပ်အဖြစ် ခန့်အပ်ခံခဲ့ရတဲ့ ဆန်နာမာရင်ဟာ ကမ္ဘာ့အသက်အငယ်ဆုံး ဝန်ကြီးချုပ် ဖြစ်လာခဲ့ပါတယ်။ ဝန်ကြီးချုပ် အန်တီရင်နီ နုတ်ထွက်ခဲ့ပြီးနောက်မှာ ဆိုရှယ်ဒီမိုကရက်တစ်ပါတီက ပို့ဆောင်ရေးဝန်ကြီး ဆန်နာမာရင်ကို ဝန်ကြီးချုပ်အဖြစ် တင်မြှောက်ဖို့ ရွေးချယ်ခဲ့တာပါ။ ဖင်လန်နိုင်ငံမှာ ဗဟိုလက်ဝဲယိမ်းဝါဒရှိတဲ့ ပါတီ ၅ ခုက ညွန့်ပေါင်းအစိုးရဖွဲ့စည်းထားပြီး အဲဒီပါတီ ၅ ခုလုံးကို အမျိုးသမီးတွေက ဦးဆောင်နေပါတယ်။
”ကျွန်မရဲ့အသက် ဒါမှမဟုတ် ကျား၊ မ ကိစ္စတွေကို တစ်ခါမျှ မတွေးဖူးပါဘူး။ နိုင်ငံရေးလောကထဲ ဝင်လာတဲ့ အကြောင်းရင်းနဲ့ မဲဆန္ဒရှင်တွေရဲ့ ယုံကြည်မှု ရရှိခဲ့တဲ့ အကြောင်းအရာတွေကိုပဲ စဉ်းစားပါတယ်” လို့ ဆန်နာမာရင်က ပြောပါတယ်။ အသက် ၃၄ နှစ်ရှိတဲ့ ဆန်နာမာရင်ဟာ ဖင်လန်နိုင်ငံ ဝန်ကြီးချုပ်အဖြစ် တာဝန်ထမ်းဆောင်ခွင့်ရတဲ့ တတိယမြောက်အမျိုးသမီး ဖြစ်လာခဲ့ပါတယ်။
Nz(ရိုးရာလေး)
