မကြာသေးခင်ကမှ ကိုရီးယားထိပ်တန်းမင်းသားချော ပတ်ဆိုးဂျွန်ဟာ အမေရိကန်မင်းသမီး Lauren Tsai နဲ့ ချစ်သူတွေဖြစ်နေတယ်ဆိုတဲ့ ကောလဟာလသတင်းထွက်ရှိခဲ့တာပါ။ ဂျပန်နိုင်ငံမှာ သူတို့နှစ်ဦးကို အတူတွေ့ခဲ့တယ်၊ တစ်နေရာတည်းမှာ ရိုက်ထားတဲ့ ဓာတ်ပုံတွေကိုလည်း တင်ခဲ့တယ်လို့ ဆိုထားပါတယ်။
အခု ဒီသတင်းနဲ့ပတ်သက်ပြီး ပတ်ဆိုးဂျွန်ရဲ့အေဂျင်စီ Awesome ENT က အခုလို တုံ့ပြန်လာခဲ့ပါတယ်။ “မကြာသေးခင်က ပတ်ဆိုးဂျွန်က ကုန်ပစ္စည်းအမှတ်တံဆိပ်ပွဲအခမ်းအနားတက်ရောက်ဖို့ နိုင်ငံရပ်ခြားရောက်ရှိနေခဲ့ပြီး နယ်ပယ်အသီးသီးက အနုပညာရှင်တွေလည်း အဲ့ဒီပွဲကို ဖိတ်ကြားခံခဲ့ရပါတယ်။ သူ့ရဲ့တရားဝင်အနုပညာလှုပ်ရှားမှုနဲ့ပတ်သက်တဲ့အချက်အလက်ထက်ကျော်ပြီး သူ့ရဲ့ကိုယ်ရေးကိုယ်တာနဲ့ပတ်သက်ပြီး အတည်ပြုချက်မပေးနိုင်တဲ့အတွက် နားလည်ပေးဖို့တောင်းဆိုပါတယ်”လို့ ပြောကြားသွားခဲ့တာပါ။ အေဂျင်စီကလည်း မင်းသားရဲ့ကိုယ်ရေးကိုယ်တာနဲ့ပတ်သက်ပြီး အချက်အလက်တစ်စုံတစ်ရာပေးနိုင်ခဲ့ခြင်းမရှိပါဘူး။
ပတ်ဆိုးဂျွန်ဟာ ပြီးခဲ့တဲ့နှစ် ဇွန်လကမှ အဆိုတော်၊ YouTuber xooos (ကင်ဆိုးယွန်း) နဲ့ချစ်သူတွေဖြစ်နေတယ်ဆိုတဲ့ သတင်းထွက်ရှိခဲ့တာပါ။ အဲ့ဒီတုန်းက နှစ်ဘက်စလုံးရဲ့အေဂျင်စီကလည်း ငြင်းဆိုထားခြင်းမရှိခဲ့သလို အတည်ပြုခဲ့ခြင်းလည်းမရှိပါဘူး။
Ref: Park Seo Joon’s Agency Briefly Comments On His Dating Rumors With Lauren Tsai
WL (ရိုးရာလေး)
