မြန်မာပရိသတ်တွေရဲ့အားပေးနှစ်ခြိုက်မှုကိုပါ ရရှိထားတဲ့ ထိုင်းမင်းသားချော ဘရိုက် ဝဆီရာဝိတဟာ ထိုင်းအဆိုတော်မလေး နေးနေး ဖောန်နဖန်နဲ့ တွဲနေပါတယ်။ ဂျပန်မှာ သူတို့နှစ်ဦးလက်ချင်းတွဲထားတဲ့ဓာတ်ပုံတွေ လူမှုကွန်ယက်မှာ ပျံ့နှံလာခဲ့ပြီးတဲ့နောက် ဧပြီ ၂၂ ရက်နေ့မှာ သူတို့နှစ်ဦးရဲ့ဆက်ဆံရေးကို အတည်ပြုပေးခဲ့တာပါ။
ဘရိုက်ရဲ့အေဂျင်စီ Cloud 9 Entertainment က ဒီသတင်းနဲ့ အံ့အားသင့်စေခဲ့တဲ့အတွက် ပရိသတ်တွေကို ဘရိုက်က တောင်းပန်ခဲ့တယ်လို့ ထုတ်ပြန်ချက်မှာ ပြောထားပါတယ်။ “ဘယ်သူ့ကိုမှ မရိုသေတဲ့၊ ထိခိုက်နစ်နာစေလိုတဲ့ရည်ရွယ်ချက်မရှိပါဘူး။ ကျွန်တော့်ကို အချိန်အတော်ကြာအောင် အားပေးခဲ့တဲ့လူတွေဆို ကျွန်တော် လေးစားခံရဖို့ အမြဲကြိုးစားနေရတယ်ဆိုတာ သိကြပါတယ်။ ကျွန်တော့်ရဲ့အလုပ်ကတဆင့် ချစ်ခြင်းမေတ္တာတွေဖြန့်ဝေဖို့ ကျွန်တော် အာရုံစိုက်ခဲ့တာပါ။ ယနေ့ ကျွန်တော်ဖြစ်လာဖို့ ကျွန်တော့်ကို ပုံဖော်ပေးခဲ့တဲ့ အရာအားလုံးအတွက် ကျေးဇူးတင်မိပါတယ်။ ကျွန်တော် လက်ခံရရှိခဲ့တဲ့ ချစ်ခြင်းမေတ္တာနဲ့ ပံ့ပိုးကူညီမှုအားလုံးအတွက်လည်း ကျေးဇူးတင်ရပါတယ်။ နေးနေးက ကျွန်တော် တွေ့ဖူးသမျှ တန်ဖိုးအရှိဆုံးလူတွေထဲက တစ်ယောက်ပါ။ သူက ကျွန်တော်နဲ့အတူတူရှိခဲ့တဲ့ နေ့ရက်တိုင်းမှာ ကျွန်တော့်ကို နွေးထွေးလုံခြုံမှုကို ခံစားရစေပါတယ်။ ကျွန်တော်တို့ကို အားပေးလက်ခံကြမယ်လို့ မျှော်လင့်ပါတယ်”လို့ ဘရိုက်က ထုတ်ပြန်ချက်မှာ ရေးသားခဲ့တာပါ။
နေးနေးကလည်း သူ့ရဲ့ပရိသတ်တွေကို သီးခြားထုတ်ပြန်ချက်ထုတ်ပြီး တောင်းပန်ခဲ့သလို ကျေးဇူးတင်စကားလည်းဆိုခဲ့ပါတယ်။ ထုတ်ပြန်ချက်မှာ သူတို့အတူရှိတဲ့အချိန် သူ ပိုပြီးရည်မောရသလို အပြုံးတွေပိုတောက်ပလာခဲ့တယ်၊ ဘရိုက်က နွေးထွေးတဲ့လူတစ်ယောက်ဖြစ်တယ်လို့ နေးနေးက ဆိုထားပါတယ်။
ဘရိုက်က BL စီးရီးဖြစ်တဲ့ 2gether မှာ ဝင်း မေတာဝိန (Win Metawin) နဲ့ အဓိကဇာတ်ဆောင်အဖြစ် ပါဝင်ခဲ့ပြီးနောက် ကျော်ကြားလာခဲ့တာပါ။ နေးနေးကလည်း အဲ့ဒီစီရီးမှာ ဇာတ်ပို့နေရာမှာ ပါဝင်ခဲ့ပါတယ်။
Ref: ‘She makes me feel warm and safe’: Bright Vachirawit dating Thai singer Nene
WL (ရိုးရာလေး)
