တောင်ကိုရီးယားနိုင်ငံ ဆိုးလ်မြို့ လီအမ်းအနုပညာပြတိုက်မှာ အီတလီအနုပညာရှင် ကက်တီလန်ရဲ့လက်ရာတစ်ခုအဖြစ် ငှက်ပျောသီးကို နံရံမှာ တိတ်နဲ့ကပ်ပြီး ပြသခဲ့ပါတယ်။ ဒါပေမဲ့ ပြီးခဲ့တဲ့ကြာသပတေးနေ့မှာတော့ ဆိုးလ်အမျိုးသားတက္ကသိုလ်မှ အနုပညာကျောင်းသားတစ်ယောက်က လီအမ်းပြတိုက်ကို လာကြည့်ရင်း ဗိုက်ဆာလာလို့ဆိုပြီး နံရံမှာ တိပ်နဲ့ကပ်ထားတဲ့ ငှက်ပျောသီးကို ခွာစားပစ်ခဲ့ပါတယ်။
ငှက်ပျောသီးကို နံရံမှာ တိပ်နဲ့ကပ်ထားတဲ့ လက်ရာကို ” လူရွှင်တော်” လို့ အမည်ပေးထားပြီး ၂၀၁၉ ခုနှစ် ဒီဇင်ဘာလက ဘေဆယ်မိုင်ယာမီ အနုပညာပြပွဲမှာ အမေရိကန်ဒေါ်လာ ၁၂၀၀၀၀ နဲ့ ရောင်းချခဲ့ရလို့ အုတ်အော်သောင်းနင်း ဖြစ်ခဲ့ဖူးပါတယ်။
အနုပညာကျောင်းသားက ငှက်ပျောသီးကို ခွာစားပြီး အခွံကိုတော့ နံရံမှာ တိပ်နဲ့ ပြန်ကပ်ပေးထားခဲ့တာပါ။ အဲဒီနောက်မှာတော့ ပြခန်းဝန်ထမ်းတွေက ငှက်ပျောသီးအသစ်တစ်လုံးနဲ့ အစားထိုးခဲ့ရပါတယ်။ ကက်တီလန်ကတော့ ဒီဖြစ်ရပ်နဲ့ပတ်သက်ပြီး မှတ်ချက်တစ်စုံတစ်ရာပေးခြင်း မရှိပါဘူး။
Ref: Student eats artwork of a banana duct-taped to a museum wall because ‘he was hungry’
NZ( ရိုးရာလေး)
