မြန်မာနိုင်ငံမှာဖြစ်ပွားနေတဲ့ Covid-19 ရောဂါကာကွယ်တားဆီးရေးနဲ့ပတ်သက်ပြီး လုပ်ကိုင်နေတဲ့ Coronavirus Disease 2019 (COVID-19) ကာကွယ်၊ ထိန်းချုပ်၊ ကုသရေး အမျိုးသားအဆင့်ဗဟိုကော်မတီ ကို မြန်မာ့ကျောက်မျက်ရတနာပြပွဲ ဗဟိုကော်မတီက ဒီကနေ့ ဧပြီလ (၂၂) ရက်နေ့ မှာ အမေရိကန်ဒေါ်လာ(၁)သန်း လှူဒါန်းခဲ့တယ် လို့ မြန်မာ့ကျောက်မျက်ရတနာပြပွဲ ဗဟိုကော်မတီထုတ်ပြန်ချက် အရသိရပါတယ်။
ကမ္ဘာ့နိုင်ငံအနှံ့အပြားမှာ ပျံ့နှံ့ဖြစ်ပွားနေတဲ့ Coronavirus Disease 2019 (COVID-19) ဟာ မြန်မာနိုင်ငံမှာလည်းဖြစ်ပွားလျက်ရှိကာ Covid-19 ရောဂါကို ကာကွယ်ထိန်းချုပ် ရေးနဲ့ စောင့်ကြပ်ကြည့်ရှုရေး လုပ်ငန်းတွေကို ထိရောက်စွာ လုပ်ဆောင်နိုင်ရန်အတွက် မြန်မာ့ကျောက်မျက်ရတနာပြပွဲ ဗဟိုကော်မတီ ရန်ပုံငွေများအနက်မှ အမေရိကန်ဒေါ်လာ (၁) သန်းကို လှူဒါန်းခဲ့တာဖြစ်တယ်လို့ သိရပါတယ်။
မြန်မာနိုင်ငံမှာ Covid-19 ရောဂါပိုးရှိသူ (၁၂၁) ဦး အနက် သေဆုံးသူ (၅) ဦး၊ ဆေးရုံကနေ ပြန်လည်ဆင်းခွင့်ရသူ (၉) ဦးရှိနေပါပြီဖြစ်တယ်လို့ ဒီကနေ့ ဧပြီလ (၂၂) ရက်နေ့ မနက်ပိုင်းက ကျန်းမာရေးနှင့်အားကစားဝန်ကြီးဌာနက တရားဝင်ထုတ်ပြန်ချက် အရသိရပါတယ်။
Cherry (ရိုးရာလေး)
