လေယာဉ် အတက်၊ အဆင်းလုပ်တာမျိုး၊ တောင်တက်၊ တောင်ဆင်း ကားမောင်းတာမျိုးတွေဆိုရင် လေဖိအား မတူတာကြောင့် နားအူတာမျိုး ကြုံရလေ့ရှိပါတယ်။ ဒါပေမဲ့ စက်လှေခါး စီးရင်း နားအူတာမျိုးတော့ ကြုံရလေ့မရှိပါဘူး။
တရုတ်နိုင်ငံ ချုံကင်းမြို့မှာ တည်ဆောက်ထားတဲ့ ကမ္ဘာ့အနက်ဆုံး မြေအောက်ဘူတာရုံထဲမှာ စက်လှေခါး စီးတဲ့အခါ နက်လွန်းတဲ့အတွက် နားအူတာမျိုး ဖြစ်တတ်တယ်လို့ ဆိုပါတယ်။ ဟောင်ယန်ကန်မြေအောက်ဘူတာရုံဟာ မြေအောက်အနက် ၁၁၆ မီတာမှာ တည်ဆောက်ထားတာဖြစ်ပြီး အထပ်မြင့် အဆောက်အအုံနဲ့ နှိုင်းယှဉ်ကြည့်ရင် အထပ် ၄၀ ရှိတဲ့ အဆောက်အအုံတစ်ခုကို မြေအောက်ထဲ တည်ဆောက်ထားသလိုပါပဲ။
ဟောင်ယန်ရွာဟာ ကျားလင်းကျန်းမြစ်ကမ်းဘေးမှ တောင်ပေါ်မှာ တည်ရှိတာဖြစ်ပြီး မြေအောက်ဘူတာရုံ ဆောက်လုပ်ဖို့ အနက်ပေများများ တူးခဲ့ရတာပါ။ အဲဒီအတွက် ဟောင်ယန်ကန်မြေအောက် ဘူတာရုံကနေ မြေပြင်ပေါ်ကို ရောက်ဖို့ စက်လှေခါးစီးရင် ၃၈ မိနစ်အထိ ကြာပြီး တောင်တက်နေရသလိုပဲလို့ ဆိုပါတယ်။
ဟောင်ယန်ကန်မြေအောက်ဘူတာရုံကို ရက် ၄၀၀ ကြာ အချိန်ယူ တည်ဆောက်ခဲ့ရပြီး ၂၀၂၂ ခုနှစ်မှာ ပြီးစီးခဲ့တာပါ။ အလွန်နက်တဲ့ မြေအောက်ဘူတာရုံဖြစ်လို့ ချုံကင်းမြို့မှာ ကမ္ဘာလှည့်ခရီးသည်တွေကို ဆွဲဆောင်ရာ နေရာတစ်ခုလည်း ဖြစ်နေပါတယ်။
Ref: The World’s Deepest Subway Station Will Clog Up Your Ears
NZ ( ရိုးရာလေး)
