ကမ္ဘာကျော်ပေါ့ပ်အဆိုတော် တေလာဆွစ်ဖ်နဲ့ သူ့ချစ်သူတို့ ၆ နှစ်အကြာမှာ လမ်းခွဲလိုက်ကြတယ်။ လွန်ခဲ့တဲ့ရက်သတ္တပတ်အနည်းငယ်ကတည်းက သူတို့ လမ်းခွဲခဲ့တာဖြစ်တယ်လို့ မကြာသေးခင်ကမှ သတင်းထွက်ရှိခဲ့တာပါ။ အခုဆို Eras Tour အနေနဲ့ ဂလန်ဒါလီမြို့မှာ တေလာဆွစ် ဖျော်ဖြေတင်ဆက်ခဲ့စဉ်က သီချင်းတစ်ပုဒ်သီဆိုဖျော်ဖြေရင်း မျက်ရည်ဝဲခဲ့တာက လမ်းခွဲလိုက်တာနဲ့ ဆက်စပ်မှုရှိတယ်လို့ ပရိသတ်တွေက ခန့်မှန်းပြောဆိုခဲ့ကြတာပါ။.
ဖျော်ဖြေပွဲအပြီး မျှဝေခဲ့ကြတဲ့ TikTok ဗီဒီယိုတစ်ခုမှာ တေလာဆွစ်ဖ်ကို Champagne Problems သီချင်းကို ခံစားချက်အပြည့်နဲ့ သီဆိုဖျော်ဖြေရင်း မျက်ရည်ဝဲနေတာတွေ့ခဲ့ရပါတယ်။ ပရိသတ်တွေက အဲဒါနဲ့ပတ်သက်ပြီး အမျိုးမျိုးခန့်မှန်းပြောဆိုတာတွေ ရှိခဲ့ပါတယ်။ တေလာရဲ့ Champagne Problems သီချင်းက လက်ထပ်ခွင့်တောင်းတာငြင်းခံရတဲ့အကြောင်းဖြစ်ပြီ “မင်း သွားတာကို ကြည့်ဖို့ ငါ ဘယ်တော့မှ အဆင့်သင့်မဖြစ်ဘူး”ဆိုတဲ့စာသားလည်း ပါပါတယ်။
တေလာဆွစ်နဲ့ သူ့ချစ်သူကို အတူတူနောက်ဆုံးမြင်တွေ့ခဲ့ရတာဟာ ပြီးခဲ့တဲ့နှစ်အောက်တိုဘာလက နယူးယောက်မြို့မှာပါ။ နှစ်ဦးစလုံးကတော့ လမ်းခွဲလိုက်တာနဲ့ပတ်သက်ပြီး အတည်ပြုထားခြင်းတော့မရှိသေးပါဘူး။
Ref: TheMirror “Taylor Swift breaks down in tears on stage in emotional performance after split”
WL (ရိုးရာလေး)
