ရန်ကုန်၊ ဇူလိုင် (၂၁)
အိန္ဒိယနိုင်ငံက မှာယူထားတဲ့ ကိုဗစ်ကုသဆေး Remdesivir အလုံးပေါင်းသုံးသောင်း ပြည်တွင်းကို ရောက်ရှိနေပြီဖြစ်တယ်လို့ ကျန်းမာရေးနှင့်အားကစားဝန်ကြီးဌာနက ထုတ်ပြန်လိုက်ပါတယ်။
COVID-19ရောဂါကုသရာတွင်အသုံးပြုတဲ့ Remdesivir အလုံးပေါင်းသုံးသောင်းဟာ မြန်မာကျပ်ငွေ (၃) ဘီလျံခန့်တန်ဖိုးရှိတယ်လို့ သိရပါတယ်။
ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်းက ဇူလိုင် (၂၀) ရက် ညပိုင်းက နေပြည်တော်လေဆိပ်မှာ Remdesivir ဆေးတွေကို လက်ခံရရှိထားပြီးဖြစ်ပါတယ်။
ကိုဗစ်ကုသဆေးတွေကို ဝန်ကြီးဌာနအနေနဲ့ COVID-19 ရောဂါကုသရေးဆေးရုံတွေကို အမြန်ဆုံးရောက်ရှိအောင် လုပ်ဆောင်သွားမှာဖြစ်တယ်လို့ သူက ပြောပါတယ်။
မြန်မာနိုင်ငံအနေနဲ့ တရုတ်နိုင်ငံက ကိုဗစ်ကာကွယ်ဆေးစုစုပေါင်း (၄) သန်း ဝယ်ယူထားပြီး အခုဇူလိုင်နဲ့ သြဂုတ်လတွေမှာ ကာကွယ်ဆေးတွေရောက်ရှိမှာဖြစ်တယ်လို့ COVID-19 ကပ်ရောဂါ ကာကွယ်ထိန်းချုပ်ရေး လုပ်ငန်းများညှိနှိုင်းအစည်းအဝေးမှာ ပြည်ထောင်စုဝန်ကြီးက ပြောကြားခဲ့တာဖြစ်ပါတယ်။
Photo- ကျန်းမာရေးနှင့်အားကစားဝန်ကြီးဌာန
Cherry(ရိုးရာလေး)
