အသက် (၅၈) နှစ်အရွယ် မင်းသားကြီး တွမ်ခရုစ်က သူ့နဲ့အသက် (၂၀) ကွာတဲ့ မင်းသမီး ဟေးလေ အက်ဝဲလ် (Hayley Atwell) တို့တွဲနေတယ်ဆိုတဲ့သတင်းကို The Sun က ဖော်ပြပါတယ်။ မင်းသမီး ဟေးလေ အက်ဝဲလ်က Mission Impossible (၇) ကားမြောက်မှာ တွမ်ခရုစ်နဲ့အတူ တွဲဖက်သရုပ်ဆောင်နေတာဖြစ်ပါတယ်။ လန်ဒန်မြို့ရဲ့ဇာတ်ကားရိုက်ကွင်းမှာ သူတို့ (၂) ဦး လက်ချင်းတွဲထားတာကို မြင်တွေ့ခဲ့ပြီး မကြာခင်မှာ သူတို့ရဲ့ဆက်ဆံရေးကို ပရိသတ်တွေရှေ့ထုတ်ပြတော့မယ်လို့ ခန့်မှန်းပြောဆိုမှုတွေရှိနေပါတယ်။
![](https://yoyarlay.com/wp-content/uploads/2020/12/18-12-2020-yyl31.jpg)
ဒီသတင်းကတော့ ရုပ်ရှင်အဖွဲ့သားတွေကို ကိုဗစ်စည်းမျဉ်းမလိုက်နာလို့ တွမ်ခရုစ် အော်ငေါက်နေတဲ့ အသံဖိုင် ပျံ့နှံ့သွားခဲ့ပြီးတဲ့နောက်မှာ ထွက်ရှိလာခဲ့တာဖြစ်ပါတယ်။ ရောမမြို့နဲ့ UK တို့မှာ Mission Impossible ဇာတ်ကားအသစ်ရဲ့ဇာတ်ဝင်ခန်းတွေ အတူတူရိုက်ကူးရင်းနဲ့ သူတို့ (၂) ဦးဟာ ပိုပြီး ရင်းနှီးလာခဲ့တာပါ။ တွမ်ခရုစ်ကလည်း ဇနီးဟောင်း ကေတီဟုမ်း (Katie Holmes) နဲ့ပြတ်ဆဲပြီးကတည်းက ရေရှည်လက်တွဲနေတဲ့လက်တွဲဖော်မရှိသေးပါဘူး။
![](https://yoyarlay.com/wp-content/uploads/2020/12/18-12-2020-yyl28.jpg)
မနေ့ကတော့ ရုပ်ရှင်ထုတ်လုပ်ရေးနဲ့ ရင်းနှီးတဲ့ Source တစ်ခုက “တွမ်နဲ့ ဟေးလေတို့ဟာ တစ်ယောက်နဲ့တစ်ယောက် အရမ်းကို ရင်းနှီးနေကြပါတယ်။ Lockdown နဲ့ အဲဒီကနေ ကြုံတွေ့ရတဲ့ အခက်အခဲတွေအားလုံးက သူတို့ကိုတောင် ပိုပြီး ရင်းနှီးလာစေခဲ့ပြီး တစ်ယောက်နဲ့တစ်ယောက် မခွဲနိုင်မခွာနိုင်ဖြစ်လာခဲ့တယ်။ နာရီတော်တော်ကြာ သူတို့တွေ့ဆုံခဲ့ကြတယ်။ သူတို့နှစ်ယောက်လုံး အရမ်းပျော်နေကြပုံပါပဲ” လို့ ပြောပါတယ်။
![](https://yoyarlay.com/wp-content/uploads/2020/12/18-12-2020-yyl29.jpg)
ပါပါရာဇီတွေရဲ့ပုံတွေကတော့ တွမ်နဲ့ဟေးလေတို့ လက်ကိုင်ထားတာကို ပြနေတာပါ။ ဇာတ်ကားအသစ်ထဲက ဇာတ်ဝင်ခန်းတစ်ခုမှာလည်း ဟေးလေနဲ့ တွမ်တို့ (၂) ဦးအတူတူ လက်ထိပ်ခတ်ထားရင်းနဲ့ လက်ချင်းတွဲနေကြတာ တွေ့ရပါတယ်။ ပါပါရာဇီတွေက အဲဒီမြင်ကွင်းကိုပဲ သို့လောသို့လောဖြစ်အောင် လုပ်ခဲ့တာလားဆိုတာကတော့ စဉ်းစားစရာပါပဲ။ ဟေးလေရဲ့ပြောရေးဆိုခွင့်ရှိသူတစ်ဦးကို The Sun က ဆက်သွယ်မေးမြန်းတော့ လက်ခံဖြေကြားခြင်းမရှိခဲ့ဘူးလို့ သိရပါတယ်။
![](https://yoyarlay.com/wp-content/uploads/2020/12/18-12-2020-yyl30.jpg)
မင်းသားကြီးတွမ်ခရုစ်ရဲ့ပထမအိမ်ထောင်ကတော့ မီမီ ရိုဂျာစ်ဖြစ်ပြီး ၁၉၉၀ခုနှစ်မှာ ကွာရှင်းခဲ့တာပါ။ အဲဒီနောက် မင်းသမီးနီကိုးလ်ကစ်မင်းန် (Nicole Kidman) နဲ့ ၁၉၉၀ခုနှစ်မှာ လက်ထပ်ပြီး၂၀၀၁ခုနှစ်မှာ ကွာရှင်းခဲ့ပါတယ်။ မင်းသမီး ကေတီဟုမ်းနဲ့ကတော့ ၂၀၁၂ခုနှစ်မှာ ကွာရှင်းခဲ့တာဖြစ်ပါတယ်။ မင်းသမီးဟေးလေကလည်း မော်ဒယ်အီဗန် ဂျုန်းစ်နဲ့ (၂) နှစ်ကြာတွဲခဲ့ပြီး ၂၀၁၅ခုနှစ်မှာ လမ်းခွဲခဲ့ကြပါတယ်။ နောက်ဆုံးတွဲခဲ့တာကတော့ ဆရာဝန်တစ်ယောက်နဲ့ဖြစ်ပြီး အခုနှစ်အစောပိုင်းကမှ လမ်းခွဲခဲ့ကြပါတယ်။
Ref: The Sun “Tom Cruise is secretly dating British Mission: Impossible co-star Hayley Atwell – 20 years his junior”
WL (ရိုးရာလေး)