လိင်ပိုင်းဆိုင်ရာတိုက်ခိုက်ခဲ့တယ်လို့စွပ်စွဲခံခဲ့ရတဲ့ ဂျူဗင်တပ်တိုက်စစ်မှူး ရော်နယ်ဒိုအနေနဲ့ စွဲချက်တင်ခံရမှာ မဟုတ်ဘူးလို့ အမေရိကန်အစိုးရရှေ့နေတွေက ပြောပါတယ်။ ၂၀၀၉ ခုနှစ်မှာ ရော်နယ်ဒိုက အမေရိကန်နိုင်ငံ မြို့ဟိုတယ်မှာ သူ့ကိုအဓမ္မပြုကျင့်ခဲ့တယ်လို့ အသက် (၃၄) နှစ်အရွယ်အမျိုးသမီး မေယော်ဂါက ပြောပါတယ်။
မေယော်ဂါက အဲဒီအကြောင်းကိုထုတ်မပြောဘူးလို့ကတိပြုခဲ့ပြီး ၂၀၁၀ ပြည့်နှစ်မှာ အမေရိကန်ဒေါ်လာ (၃၇၅၀၀၀) နဲ့ တရားရုံးပြင်ပ ညှိနှိုင်းကျေအေးမှုလုပ်ခဲ့ပါတယ်။ ဒါပေမဲ့ #MeToo လှုပ်ရှားမှုကို အားကျပြီး ၂၀၁၈ ခုနှစ်မှာ အမှုပြန်ဖွင့်ခဲ့တာလို့ မေယော်ဂါကပြောပါတယ်။ မေယော်ဂါရဲ့ စွပ်စွဲချက်တွေခိုင်လုံတယ်ဆိုတာ သက်သေမပြနိုင်ဘူးလို့ လက်စ်ဗီးဂတ်စ်မြို့ အစိုးရရှေ့နေတွေကပြောပါတယ်။
မေယော်ဂါဟာ ၂၀၀၉ ခုနှစ်မှာ လိင်ပိုင်းဆိုင်ရာတိုက်ခိုက်ခံရတဲ့အကြောင်းတိုင်ကြားခဲ့ပေမဲ့ အခင်းဖြစ်ပွားတဲ့နေရာနဲ့ ကျူးလွန်သူကိုဖော်ပြဖို့ ငြင်းဆန်ခဲ့တယ်လို့ ကလက်ခ်ကောင်တီခရိုင်ရှေ့နေရုံးက ပြောပါတယ်။ ၂၀၀၉ ခုနှစ်က လက်စ်ဗီးဂတ်စ်မြို့မှာ မေယော်ဂါနဲ့ တွေ့ဆုံခဲ့တယ်ဆိုတာကို ရော်နယ်ဒိုက မငြင်းခဲ့ပေမဲ့ သူတို့နှစ်ယောက်ကြားဖြစ်ပျက်ခဲ့တာက နှစ်ဦးသဘောတူဆန္ဒလို့ ဆိုပါတယ်။ ရော်နယ်ဒိုဟာ အဲဒီအချိန်တုန်းက ရီးရဲလ်ကိုပြောင်းလက်စ်ဗီးဂတ်ရွှေ့လုဆဲဆဲဖြစ်ပါတယ်။
Nz (ရိုးရာလေး)
