နှစ် ၃၀ ကျော် အေးခဲထားတဲ့မျိုးဥတွေသုံးပြီး အမြွှာပူးလေးကို အောင်မြင်စွာ မွေးဖွား

နှစ် ၃၀ ကျော် အေးခဲထားတဲ့ မျိုးဥတွေကို အသုံးပြုပြီး အမေရိကန်နိုင်ငံ တင်နက်ဆီပြည်နယ်မှာ အမြွှာကလေးငယ်နှစ်ဦးကို အောင်မြင်စွာ မွေးဖွားနိုင်ခဲ့ပါတယ်။ ဒါဟာ စံချိန်တင် အချိန်အကြာဆုံး အေးခဲထားတဲ့ မျိုးဥကနေ အောင်မြင်စွာ မွေးဖွားနိုင်မှုဖြစ်တယ်လို့ ယုံကြည်နေပါတယ်။ ဒီမျိုးဥတွေကို ၁၉၉၂ ခုနှစ် ဧပြီလ ၂၂ ရက်က အပူချိန် – ၁၂၈ ဒီဂရီစင်တီဂရိတ်ရှိတဲ့ နိုက်ထရိုဂျင်အရည်မှာ သိုလှောင်ထားခဲ့တာပါ။

အဲဒီမျိုးဥတွေကို အမည်မဖော်လိုတဲ့ လင်မယားနှစ်ဦးအတွက် ဖန်ပြွန်သန္ဓေသားနည်း(IVF)နဲ့ ဖန်တီးခဲ့တာဖြစ်ပြီး ၂၀၀၇ ခုနှစ်အထိ အမေရိကန်နိုင်ငံ အနောက်ဘက်ကမ်းရိုးတန်းမှာရှိတဲ့ မျိုးဥသိမ်းဆည်းရာ ဓာတ်ခွဲခန်းမှာ သိမ်းဆည်းထားခဲ့ပါတယ်။ အဲဒီနောက်ကျမှ တခြားလင်မယားနှစ်ယောက် အသုံးပြုနိုင်အောင်လို့ National Embryo Donation Center (NEDC) ထံ လွဲပြောင်းပေးအပ်ခဲ့ကြတာပါ။

အော်ရီဂွန်ပြည်နယ်က ကလေး ၄ ယောက်မိခင် ရေချယ်ရစ်ချ်ဝေးက အောက်တိုဘာလ ၃၁ ရက်မှာ အေးခဲထားတဲ့ မျိုးဥအသုံးပြုပြီး အမြွှာပူး မွေးဖွားခဲ့တာပါ။ အမြွှာလေး ၂ ယောက်ကို လိုင်ဒီယာအန်းနဲ့ တိုင်မိုသီလို့ အမည်ပေးထားပါတယ်။

Ref:Twins born from embryos frozen 30 years ago

NZ(ရိုးရာလေး)