သခင်ကတော့ သူ့ခွေး ပျောက်သွားလို့ စိတ်ပူနေတာ။ ဟိုဟိုဒီဒီ လိုက်ရှာတော့လည်း မတွေ့ဘူး။ သူ့ခွေးလေးနဲ့ ပြန်ဆုံရပါ့မလားလို့ တွေးပြီး ငိုမိသေးတယ်။ ပြီးတော့ လူမှုကွန်ရက်မှာ သူ့ခွေးလေးပုံကို တင်ပြီး အိမ်ကနေ ပျောက်သွားလို့ တွေ့ရင် အကြောင်းကြားပေးပါဦးဆိုပြီး အကူအညီတောင်းတယ်။ ခဏကြာတော့ သူ့ဆီ မက်ဆေ့တစ်စောင် ဝင်လာတယ်။ သူ့မှာ ငိုနေရာကနေ ထရယ်မိရော။ သူ့ခွေးက ဘား ရောက်နေတာတဲ့။
![](https://yoyarlay.com/wp-content/uploads/2024/02/15.2.24-yyl-6.jpg)
ခွေးလေးက ၁၆ နှစ်အရွယ် ရှီဇူးအမျိုးအစား။ သူ့နာမည်က ဘဲလ်တဲ့။ သူ့သခင်ကတော့ အမေရိကန်နိုင်ငံ ဝစ္စကိုဆင်ပြည်နယ်၊ မစ်ဝေါ်ကီမြို့မှာ နေထိုင်တဲ့ ဂျင်နီဟာဇက်ပါ။ ခွေးလေး ဘဲလ်ကို သူ့အိမ်ကနေ တစ်မိုင်လောက်ဝေးတဲ့ ဘားကနေ ပြန်တွေ့ခဲ့တာပါ။ မိန်းကလေးတစ်စုက ခွေးလေး ဘဲလ်ကို လမ်းမှာတွေ့လို့ ချစ်စရာကောင်းတယ်ဆိုပြီး ပွေ့ချီလာခဲ့တာကြောင့် သူတို့နဲ့အတူ ဘားကို ပါလာတာပါ။
Ref: Woman Finds Her Missing Dog Enjoying A Night Out At The Local Bar
NZ ( ရိုးရာလေး)