မြန်မာပရိသတ်တွေရဲ့ချစ်ခင်အားပေးမှုကို ရရှိထားတဲ့ ထိပ်တန်းထိုင်းမင်းသမီးချော Yaya Urassaya ဟာ လတ်တလောမှာတော့ မင်းသားချော Mark Prin နဲ့အတူ “Love at First Night” ဇာတ်လမ်းတွဲအသစ်ကို ရိုက်ကူးနေပါတယ်။ ဩဂုတ်လ ၂၄ ရက်နေ့က Yaya ဟာ ပွဲတစ်ပွဲတက်ရောက်ခဲ့ပြီး အဲဒီဇာတ်လမ်းတွဲအကြောင်း အင်တာဗျူးဖြေကြားရင်း ရိုက်ကွင်းမှာ နာမည်မှားခေါ်မိတဲ့အဖြစ်ကိုလည်း ပြောပြခဲ့ပါတယ်။
Yaya က ရိုက်ကွင်းမှာ မင်းသား Mark Prin ကို သူ့ချစ်သူကောင်လေးရဲ့နာမည် Nadech Kugimiya လို့ မှားခေါ်မိခဲ့တယ်ဆိုတာကို ထုတ်ပြောပြခဲ့တာပါ။ Mark Prin ကလည်း တစ်ခါတလေ သူ့ကို သူ့ချစ်သူ Kimmy Kimberley ရဲ့နာမည်နဲ့ မှားခေါ်မိတယ်လို့ Yaya က ဆိုပါတယ်။
Yaya ရဲ့ချစ်သူ မင်းသားချော Nadech ကလည်း သူ့ရဲ့သူငယ်ချင်းဖြစ်တဲ့၊ Mark Prin ရဲ့ချစ်သူလည်းဖြစ်တဲ့ Kimmy Kimberley နဲ့အတူ Sueb Lub Mor Rabat အမည်ရတဲ့ ဇာတ်လမ်းတွဲအသစ်ကို ရိုက်ကူးနေပါတယ်။ နှစ်ယောက်လုံး ဇာတ်လမ်းတွဲအသစ်ရိုက်ကူးနေရတာနဲ့ မကြာခဏ မတွေ့ဖြစ်ကြတာကြောင့် အချင်းချင်းလွမ်းနေကြတယ်လို့လည်း Yaya က ပြောပါတယ်။
တစ်ခါတလေ သူနဲ့ သူ့ကောင်လေးက တစ်ယောက်နဲ့တစ်ယောက်တွေ့ကြဖို့ ရိုက်ကူးရေးနေရာတွေကို လာကြတယ်။ Yaya က သွားတွေ့တာထက် Nadech Kugimiya က သူ ဇာတ်လမ်းတွဲရိုက်ကူးနေတဲ့ နေရာကို လာတွေ့တာများတယ်လို့ ဆိုပါတယ်။
Yaya နဲ့ မင်းသား Mario Maurer တို့ ပါဝင်ရိုက်ကူးထားတဲ့ “Bad Romeo” ဇာတ်လမ်းတွဲသစ်ကလည်း လက်ရှိ ထုတ်လွှင့်ပြသနေပါတယ်။ အဲဒီဇာတ်လမ်းတွဲမှာ Yaya က ဆိုင်ခင်မ်ဆိုတဲ့ သူဌေးသမီးအဖြစ် ပါဝင်သရုပ်ဆောင်ထားပါတယ်။
Ref: ThaiUpdate “Yaya Urassaya talks about working with Mark Prin in the new drama “Love at First Night””
WL(ရိုးရာလေး)
