အသက်(၃၈)နှစ်ရှိတဲ့ အမေရိကန်တင်းနစ်မယ် ဆရီနာဝီလျံကတော့ (၃)နှစ်ဆက်တိုက် ဖလားလက်မဲ့ဖြစ်မှုကို ASB Classic ပြိုင်ပွဲမှာ အဆုံးသတ်နိုင်ခဲ့ပါတယ်။ နယူးဇီလန်နိုင်ငံ အုတ်ကလန်မြို့မှာ ကျင်းပခဲ့တဲ့ ASB Classic ပြိုင်ပွဲမှာ ဆရီနာဝီလျံက အမေရိကန်တင်းနစ်မယ် ပီဂူလာကို ၆-၃၊ ၆-၄ နဲ့ (၂)ပွဲပြတ် အနိုင်ယူပြီး ဆုဖလားဆွတ်ခူးခဲ့တာပါ။ ဆရီနာဝီလျံရဲ့ ဗိုလ်လုပွဲကို ၂ နှစ်အရွယ်သမီးဖြစ်သူ အိုလံပီယာလည်း လာရောက်ကြည့်ရှုခဲ့ပါတယ်။
ဆရီနာဝီလျံဟာ ကလေးမွေးပြီးနောက်ပိုင်း ပထမဆုံး ဆုဖလား ဆွတ်ခူးနိုင်တာဖြစ်ပါတယ်။ ASB Classic ဆုဖလားဟာ ဆရီနာဝီလျံရဲ့ ကစားသမားဘဝတစ်လျှောက်မှာ ၇၃ လုံးမြောက် ဆုဖလားဖြစ်လာခဲ့ပါတယ်။ ဒီပြိုင်ပွဲကနေ ရရှိလာတဲ့ ဆုကြေးငွေ အမေရိကန်ဒေါ်လာ ၄၃၀၀၀ ကို တောမီးလောင်ကျွမ်းမှု အကြီးအကျယ်ရင်ဆိုင်နေရတဲ့ သြစတြေးလျနိုင်ငံအတွက် လှူဒါန်းသွားမယ်လို့ ဆရီနာဝီလျံက ကြေညာခဲ့ပါတယ်။
Nz (ရိုးရာလေး)
