ဇမ်ဘီယာနိုင်ငံ နယ်စပ်မြို့ဖြစ်တဲ့ နာခွန်ဒီမြို့မှာ ကိုရိုနာဗိုင်းရပ်စ် ကူးစက်မှုသစ်တွေ မြင့်တက်လာခဲ့ပြီးနောက် ကိုရိုနာဗိုင်းရပ်စ်ရှိသူတွေကို ခြေရာခံစုံစမ်းရာမှာ ပြည့်တန်ဆာတွေက ကူညီပေးနေတယ်လို့ ဇမ်ဘီယာနိုင်ငံ ကျန်းမာရေးဝန်ကြီးက ပြောပါတယ်။ နာခွန်ဒီမြို့မှာ COVID-19 လူနာသစ် ၈၅ ယောက်ရှိလာတဲ့အနက် ၇၆ ယောက်က ပြည့်တန်ဆာ ဒါမှမဟုတ် လော်ရီကားယာဉ်မောင်းတွေဖြစ်တယ်လို့ ကျန်းမာရေးဝန်ကြီး ချီလူဖာက ပြောပါတယ်။
” ပြည့်တန်ဆာတွေက အမှန်တကယ် ပူးပေါင်းဆောင်ရွက်ကြပါတယ်။ ကျွန်တော်တို့ လိုချင်တဲ့ အချက်အလက်မှန်သမျှ ပေးတယ်။ ရောဂါပိုးရှိသူတွေကို ခြေရာခံရှာဖွေရာမှာ သူတို့က အရမ်းအသုံးဝင်ပါတယ်။ နာခွန်ဒီမြို့ရဲ့ အခြေအနေကတော့ ဆိုးရွားနေတုန်းပါပဲ။ သမ္မတကလည်း စိုးရိမ်နေတယ်”လို့ ချီလူဖာက ဆိုပါတယ်။ ဇမ်ဘီယာနိုင်ငံမှာ COVID-19 အတည်ပြုလူနာ ၂၆၇ ယောက်ရှိပြီး ၇ ယောက် သေဆုံးခဲ့ပါတယ်။ လူတစ်ယောက်နဲ့ တစ်ယောက် ခပ်ခွာခွာနေရေး စည်းမျဉ်းတွေ အားကောင်းခိုင်မာစေဖို့ တစ်လကြာ ပိတ်ဆို့ခဲ့ပြီးနောက် ပြီးခဲ့တဲ့ သီတင်းပတ်မှာ ဇမ်ဘီယာသမ္မတ လန်ဂါက စားသောက်ဆိုင်တွေ၊ ကာစီနိုဝိုင်းတွေ၊ ကိုယ်လက်လေ့ကျင့်ရေးခန်းမတွေကို ပြန်ဖွင့်ပြီလို့ သမ္မတလန်ဂူက ကြေညာခဲ့ပါတယ်။
Team (ရိုးရာလေး)
