မန်စီးတီးကွင်းလယ်ဖန်တီးရှင် ဒီဘရိုင်းဟာ ရှက်ဖီးယူနိုက်တက်ကို အနိုင်ရခဲ့တဲ့ပွဲစဉ်အပြီးမှာ ပရီးမီးယားလိဂ် ဂိုးဖန်တီးမှု စံချိန်မှတ်တမ်းသစ် စိုက်ထူနိုင်ခဲ့ပါတယ်။ ဘယ်လ်ဂျီယံကွင်းလယ်လူ ဒီဘရိုင်းဟာ ပရီးမီးယားလိဂ်မှာ (၃)ရာသီတိုင်တိုင် တစ်ရာသီအတွင်း ဂိုးဖန်တီးမှု (၁၅)ကြိမ်နဲ့အထက် ပြုလုပ်နိုင်ခဲ့တဲ့ ပထမဆုံးကစားသမား ဖြစ်လာခဲ့ပါတယ်။ ရှက်ဖီးယူနိုက်တက်ကို ၁-၀ ဂိုးနဲ့ အနိုင်ရခဲ့တဲ့ပွဲစဉ်မှာ လူစားဝင်ကစားသမား အဂွေရို သွင်းယူခဲ့တဲ့ တစ်လုံးတည်းသောဂိုးကို ဒီဘရိုင်းက ဖန်တီးပေးခဲ့တာပါ။
ဒီဘရိုင်းဟာ ၂၀၁၆-၂၀၁ရရာသီက ဂိုးဖန်တီးမှု (၁၈)ကြိမ်၊ ၂၀၁၇-၂၀၁၈ ရာသီက ဂိုးဖန်တီးမှု (၁၆)ကြိမ်လုပ်နိုင်ခဲ့သူပါ။ အသက်(၂၈)နှစ်အရွယ်ရှိတဲ့ ဒီဘရိုင်းအတွက် ဒီရာသီဟာ ကစားသမားဘဝတစ်လျှောက် ပရီးမီးယားလိဂ်ပြိုင်ပွဲမှာ ဂိုးသွင်းအများဆုံးရာသီ ဖြစ်လာဖို့ ရှိနေပါတယ်။ ဒီဘရိုင်းဟာ လွန်ခဲ့တဲ့ (၂)ရာသီက စုစုပေါင်း(၈)ဂိုးပဲ သွင်းနိုင်ခဲ့ပြီး ဒီရာသီမှာတော့ ပွဲစဉ်(၂၃)ပွဲအပြီးမှာ (၇)ဂိုးအထိ သွင်းထားသူပါ။
Nz (ရိုးရာလေး)
