လာမယ့် တနင်္ဂနွေနေ့မှာ ကစားမယ့် မန်စီးတီးနဲ့ ချဲလ်ဆီးပွဲစဉ်ကို ကွင်းလယ်ဒိုင် မိုက်ဒိန်းက တာဝန်ယူမှာ ဖြစ်ပါတယ်။ အသက် ၅၀ အရွယ်ရှိတဲ့ မိုက်ဒိန်းဟာ ပရီးမီးယားလိဂ်မှာ ထင်ပေါ်ကျော်ကြားတဲ့ ဒိုင်တစ်ဦးဖြစ်ပြီး လွန်ခဲ့တဲ့ ၁၉ နှစ်တုန်းက ပရီးမီးယားလိဂ်မှာ ဒိုင်အဖြစ် စတင်တာဝန်ယူခဲ့သူပါ။
မိုက်ဒိန်းဟာ မန်စီးတီးနဲ့ ချဲလ်ဆီးအသင်းက ကစားသမား ၉ ဦးစီကို ထုတ်ပယ်ခဲ့ဖူးပြီး တခြားအသင်းတွေနဲ့ယှဉ်ရင် အဲဒီ ၂ သင်းက ကစားသမားတွေကို ထုတ်ပယ်မှု ပိုများနေတာ တွေ့ရပါတယ်။ မိုက်ဒိန်းဟာ ဒီရာသီမှာ ပရီးမီးယားလိဂ်ပွဲစဉ် ၁၉ ပွဲ တာဝန်ယူခဲ့ပြီး အနီကတ် ပြသမှု ၉ ကြိမ်ရှိခဲ့လို့ တခြားဒိုင်လူကြီးတွေထက် အနီကတ် ပိုပြတဲ့ ဒိုင်လူကြီးအဖြစ် မှတ်တမ်းတင်နေပါတယ်။
အခုဆိုရင်တော့ မိုက်ဒိန်းဟာ ဒိုင်လူကြီး ဘဝတစ်လျှောက် ပရီးမီးယားလိဂ်မှာ အနီကတ်ပြမှု ၉၉ ကြိမ် ရှိနေပြီး အကြိမ် ၁၀၀ ပြည့်ဖို့ တစ်ကြိမ်ပဲ လိုပါတော့တယ်။
Nz (ရိုးရာလေး)
