ဂူဂဲလ်ကုမ္ပဏီဟာ search engine ကိုအသုံးပြုပြီး အွန်လိုင်းဈေးကွက်ကို ချုပ်ကိုင်ဖို့ ကြိုးစားခဲ့တယ်ဆိုပြီး ဥရောပသမဂ္ဂက စံချိန်တင်ဒဏ်ငွေအဖြစ် ယူရို ၂.၄ ဘီလျံ ချမှတ်လိုက်ပါတယ်။
ဂူဂဲလ်ကနေတစ်ဆင့် ပစ္စည်းတစ်ခုခုရှာတဲ့အခါ ဂူဂဲလ်ကုမ္ပဏီက သူတို့ရဲ့ online shopping ပေါ်က ပစ္စည်းတွေကိုပဲ အရင်ဆုံးဖော်ပြခဲ့တယ်လို့ ဥရောပသမဂ္ဂက ဆိုပါတယ်။ ဥရောပသမဂ္ဂဟာ ဒီကိစ္စအတွက် ၇ နှစ်ကြာ စုံစမ်းစစ်ဆေးမှုလုပ်ခဲ့ပြီးနောက်မှာ အခုလိုဆုံးဖြတ်ခဲ့တာဖြစ်ပါတယ်။
ဒါပေမဲ့ ဂူဂဲလ်ကတော့ သူတို့အနေနဲ့ ရှာဖွေမှုလုပ်တဲ့သူတွေ လိုချင်တဲ့ပစ္စည်းကို အလွယ်တကူ ရှာနိုင်အောင် Search engine ကို အခုလိုဖော်ပြပေးတာလို့တုံ့ပြန်ပြီး စွပ်စွဲမှုကို ငြင်းဆန်ထားပါတယ်။
The EU flag is seen with Google logo. (Photo by Jaap Arriens/NurPhoto via Getty Images)
ဒါ့အပြင် ဂူဂဲလ်အနေနဲ့ ရက် ၉၀ အတွင်း ဈေးကွက်ယှဉ်ပြိုင်မှုကို ဖီလာဆန့်ကျင်နေတဲ့လုပ်ရပ်တွေကို ရပ်တန်းကမရပ်ဘူးဆိုရင် သူတို့မိခင်ကုမ္ပဏီဖြစ်တဲ့ Alphabet ကုမ္ပဏီရဲ့ တစ်နေ့ပျမ်းမျှဝင်ငွေရဲ့ ၅ ရာခိုင်နှုန်းကို ဒဏ်ငွေအဖြစ်ပေးဆောင်ရမယ်လို့ ဥရောပသမဂ္ဂက ဆုံးဖြတ်ချက်ချခဲ့ပါတယ်။ ဒီပြစ်ဒဏ်တွေအတွက် ဂူဂဲလ်အနေနဲ့ အယူခံဝင်ခွင့်တော့ ရှိနေပါတယ်။
Ref: Google fined record €2.4bn by EU over search engine results
Team (ရိုးရာလေး)
