ပါဝင်ပစ္စည်းများ
– ဟင်းနုနွယ် လူကြီးလက်နှစ်ဘက်အပြည့်
– ဂေါ်ဖီစိမ်း (ဘရိုကိုလီ) အခက်သေး ၄ ခက်
– တရုတ်နံနံ အခက်ရှည်ရှည် ၄ ခက်
– မုန်လာဥနီ အနေတော် ၂ ဥ
ပြုလုပ်နည်း
မုန်လာဥနီကို ခပ်ပါးပါးလှီးပါ။ ဂေါ်ဖီစိမ်း၊ တရုတ်နံနံ၊ ဟင်းနုနွယ်ရွက်တို့ကို ကတ်ကြေးဖြင့်ညှပ်ပါ။ ပြီးရင်တော့ Blender နဲ့ရောကြိတ်ပြီး သောက်သုံးနိုင်ပါပြီ။ အဖတ်ပါတာမကြိုက်သူများ ရေစစ်နဲ့စစ်ပြီးလည်း သောက်နိုင် ပါတယ်။ ချက်ချင်းမသောက်နိုင်သူများ ရေခဲသေတ္တာထဲသိမ်းပြီး ၂၄ နာရီအတွင်း သောက်သင့်ပါတယ်။ သောက်ရလွယ်ပြီး များများလည်းသောက်နိုင်တာမို့ အသီးအရွက်များများစားဖြစ်စေတဲ့နည်းပါပဲ။
အကျိုးကျေးဇူး
ဟင်းနုနွယ်ရွက်နဲ့ မုန်လာဥနီဟာ ဟော်မုန်းဓါတ်ညီမျှအောင် ထိန်းညှိပေးတဲ့အတွက် အိပ်မပျော်ခြင်း၊ အကြောတက်ခြင်းတို့ကို သက်သာစေပါတယ်။ ဂေါ်ဖီစိမ်းနဲ့တရုတ်နံနံက အရိုးနဲ့ ကြွက်သားကို ကျန်းမာစေတာကြောင့် ပေါ့ပါးလန်းဆန်းစေပါတယ်။
