အီတလီနိုင်ငံ၊ ရောမမြို့က နှစ်ပေါင်း ၂၀၀၀ နီးပါးရှိတဲ့ ရှေးဟောင်းအထင်ကရအဆောက်အဦး ကိုလော့စီယမ်မှာ ချစ်သူကောင်မလေးရဲ့နာမည်ကို ထွင်းခဲ့တဲ့ အမျိုးသားတစ်ဦးက ထောင်ဒဏ် ၅ နှစ်ချမှတ်ခံရနိုင်ဖွယ်ရှိတဲ့အတွက် ခွင့်လွှတ်ဖို့ တောင်းပန်ထားရပါတယ်။ အီဗန် ဒီမီဒရိုဗ်ဟာ ရောမမြို့ကို လာလည်ရင်းနဲ့ အခုလိုလုပ်မိခဲ့တာပါ။
ကိုလော့စီယမ်မှာ နာမည်ထွင်းနေတဲ့ အဲဒီအမျိုးသားရဲ့ဗီဒီယိုက လူမှုကွန်ယက်မှာ ပျံ့နှံ့သွားခဲ့ပြီး လူအများအပြားက သူ့ရဲ့လုပ်ရပ်ကြောင့် ဒေါသထွက်ခဲ့ကြပါတယ်။ ကိုလော့စီယမ်က ယူနက်စကိုကမ္ဘာ့အမွေအနှစ်နေရာအဖြစ် စာရင်းသွင်းခံထားရတာကြောင့် အီဗန်က ဒဏ်ငွေ ပေါင် ၁၂၈၅၀ (သို့) ထောင်ဒဏ် ၅ နှစ်အထိ ချမှတ်ခံရနိုင်တာပါ။
နောက်ပိုင်းမှာ အီတလီအမျိုးသားရဲတပ်ဖွဲ့က အီဗန်တို့စုံတွဲကို ဘူလ်ဂေးရီးယားမှာ ခြေရာခံကာ တွေ့ရှိခဲ့ပါတယ်။ အီဗန်ကို ရဲတပ်ဖွဲ့က စကားပြောတဲ့အချိန် သူ့ရဲ့လုပ်ရပ်တွေအတွက် စိတ်ရင်းမှန်နဲ့ နောင်တရပြီး တောင်းပန်စကားဆိုခဲ့တယ်လို့ အီတလီအမျိုးသားရဲတပ်ဖွဲ့ဝင် ရောဘတ်တို မာတီနာက ဆိုပါတယ်။
အီဗန်က တရားခွင်ရဲ့အကျိုးဆက်တွေကို စိုးရိမ်နေတယ်လို့ ထင်ကြောင်း၊ ထောင်ဒဏ် ၂ နှစ်ကနေ ၅ နှစ်အထိ ချမှတ်နိုင်ပြီး ဒဏ်ငွေလည်းပေးဆောင်ရနိုင်တယ်လို့ ရှင်းပြခဲ့ကြောင်း မာတီနာက ပြောပါတယ်။ “သူ ဘာလို့ အဲဒါကို လုပ်ခဲ့တာလဲဆိုတာကို ကျွန်တော်တို့ မမေးခဲ့ပါဘူး။ ဒီမေးခွန်းကို တရားသူကြီးက ကြားနာသွားရမှာပါ။ သူက သံသယရှိသူဖြစ်ပြီး စုံစမ်းစစ်ဆေးမှုခံယူရမယ်ဆိုတာ ကျွန်တော်တို့ သူကို ပြောခဲ့တယ်”လို့ သူက ဆိုပါတယ်။
Ref: Brit who ‘carved girlfriend’s name’ into Rome’s Colosseum begs for forgiveness as he faces up to five years in jail
WL (ရိုးရာလေး)
