မော်ရိုကိုနိုင်ငံမှာ ပြင်းအား ၆.၈ မဂ္ဂနီကျူ့စ်ရှိတဲ့ အင်အားပြင်းငလျင် လှုပ်ခတ်ခဲ့လို့ အနည်းဆုံး လူ ၂၉၆ ဦး သေဆုံးခဲ့တယ်လို့ မော်ရိုကိုပြည်ထဲရေးဝန်ကြီးဌာနရဲ့ ကနဦး ထုတ်ပြန်ချက်မှာ ဖော်ပြပါတယ်။
စက်တင်ဘာလ ၈ ရက် ဒေသစံတော်ချိန် ည ၁၁ နာရီအချိန်က မာရာကက်ရှ်မြို့ရဲ့ အနောက်တောင်ဘက် ၄၄ မိုင်အကွာ မြေအောက်အနက် ၁၁ မိုင်ကို ဗဟိုပြုပြီး ငလျင်လှုပ်ခတ်ခဲ့တာပါ။ ကမ္ဘာလှည့်ခရီးသည်တွေကြား ရေပန်းစားတဲ့ မာရာကက်ရှ်မြို့ဟာ ငလျင်ဒဏ် ဆိုးဆိုးရွားရွား ခံစားခဲ့ရပြီး အပျက်အစီးတွေအောက်မှာ လူတွေ ပိတ်မိခဲ့ပါတယ်။
မော်ရိုကိုနိုင်ငံတစ်ဝန်းက မြို့အများအပြား ငလျင်ဒဏ် ခံစားခဲ့ရပြီး အနည်းဆုံး လူ ၁၅၃ ဦး ဒဏ်ရာရခဲ့ပါတယ်။
Ref: At least 296 dead after strong Morocco earthquake
NZ ( ရိုးရာလေး)
