ကမ္ဘာကျော်အဆိုတော် Megan Thee Stallion က ၂၀၂၄ ခုနှစ်ရဲ့ MTV Video Music Awards မှာ အစီအစဉ်တင်ဆက်သူအဖြစ် ဆောင်ရွက်သွားမယ့်အပြင် ဖျော်ဖြေတင်ဆက်သွားမှာလည်းဖြစ်ပါတယ်။ အဲ့ဒီပွဲအတွင်း အဝတ်အစား အကြိမ် ၅၀၀ လဲဖို့ စိတ်လှုပ်ရှားနေတယ်လို့ ဆိုပါတယ်။ “ကျွန်မ အဝတ်အစားကို အကြိမ် ၅၀၀ လဲဖို့ စိတ်လှုပ်ရှားနေတယ်။ ဖျော်ဖြေတင်ဆက်ဖို့ စိတ်လှုပ်ရှားတယ်။ အမိုက်စားပွဲတက်လာမယ့်သူတွေအားလုံးကို မြင်တွေ့ရဖို့လည်း စိတ်လှုပ်ရှားနေပါတယ်”လို့ Megan က ပြောပါတယ်။
Megan က အခုနှစ်ဆုပေးပွဲရဲ့အစီအစဉ်တင်ဆက်သူအဖြစ် ဆောင်ရွက်သွားမှာဖြစ်တယ်ဆိုတာကို MTV က ပြီးခဲ့တဲ့လကမှ ကြေညာခဲ့တာပါ။ အရင် ပွဲနှစ်ပွဲကို Nicki Minaj က အစီအစဉ်တင်ဆက်ပေးခဲ့တာပါ။
Megan ကလည်း ဒီပွဲမှာ ဆု ၅ ဆုအတွက် ဆန်ကာတင်စာရင်းဝင်ထားပါတယ်။ တေလာဆွစ်ဖ်က ဆု ၁၀ ခုအတွက် ဆန်ကာတင်စာရင်းမှာ ရှေ့ဆုံးက ဦးဆောင်နေပြီး Post Malone က ဆု ၉ ဆုအတွက် ဆန်ကာတင်စာရင်းဝင်နေပါတယ်။ Sabrina Carpenter၊ Eminem၊ Ariana Grande တို့ကလည်း ဆု ၅ ဆုအတွက် အသီးသီးဆန်ကာတင်စာရင်းဝင်ထားပါတယ်။
Katy Perry က Coveted Video Vanguard Award အတွက် ဆုပေးပွဲမှာ ဂုဏ်ပြုချီးမြှင့်ခံရမှာဖြစ်ပါတယ်။ သူ့ရဲ့နာမည်ကြီးသီချင်းတွေအပြင် 143 အယ်လ်ဘမ်အသစ်ထဲက သီချင်းတချို့လည်း ဖျော်ဖြေတင်ဆက်သွားမှာဖြစ်ပါတယ်။ ဒီဂီတဆုပေးပွဲကို စက်တင်ဘာ ၁၁ ရက်နေ့ နယူးယောက်မြို့မှာ ကျင်းပသွားမှာဖြစ်ပါတယ်။
Ref: Megan Thee Stallion Is ‘Excited to Change Clothes 500 Times’ During VMAs 2024 Hosting Gig
WL (ရိုးရာလေး)
