နိုဝင်ဘာ ၃၀ ရက်နေ့က Fast & Furious မင်းသားကြီး ပေါလ်ဝေါ်ကာကွယ်လွန်ခြင်း ၁၁ နှစ်ပြည့်မြောက်ခဲ့တာပါ။ ၁၁ နှစ်ပြည့်မြောက်ခြင်းအထိမ်းအမှတ်အဖြစ် ပေါလ်ဝေါ်ကာရဲ့Fast & Furious တွဲဖက်သရုပ်ဆောင်တွေနဲ့ သမီးဖြစ်သူတို့က အောက်မေ့တသဖွယ်ပို့စ်တွေ တင်ခဲ့ကြပါတယ်။
သမီးဖြစ်သူ မဲဒို ရိန်း ဝေါ့ကာက အီစတာပွဲတော်မှာ သူ့ကို ပွေ့ချီထားတဲ့ကြည်နူးဖွယ်ပုံအပါအဝင် ပုံဟောင်းတွေနဲ့ ပို့စ်တင်ခဲ့တာပါ။ “အဖေမရှိတော့တာ ၁၁ နှစ်ရှိပြီ။ နေ့တိုင်း လွမ်းပါတယ်။ အရမ်းချစ်တယ်”ဆိုတဲ့စာသားလည်း ရေးသားထားပါတယ်။
Fast & Furious တွဲဖက်သရုပ်ဆောင်ဖြစ်တဲ့ မင်းသမီး ဂျော်ဒါနာ ဘရူစတာကလည်း အတူတူရိုက်ထားတဲ့ဓာတ်ပုံတွေနဲ့အတူ “ဒီနေ့ ကျွန်မ လန့်နိုးလာတယ်။ နည်ည်းနည်းစိတ်မကြည်ဘူး။ နောက်မှ ကျွန်မသတိရလိုက်တယ်။ ရုတ်တရက်စိတ်မကောင်းဖြစ်သွားခဲ့တယ်။ ရှိနေသင့်တဲ့ တစ်စုံတစ်ယောက်မရှိတော့ဘူး။ ရယ်မောပျော်ရွှင်တတ်တဲ့သူတစ်ယောက်ပေါ့။ ၁၁ နှစ်တာ မင်းကို အမြဲလွမ်းတယ် ပေါလ်ဝေါ်ကာ။ မဲဒို ရိန်း ဝေါ့ကာက သူ့ရဲ့အလှတရားနဲ့ ခွန်အားတွေကတဆင့် မင်းရဲ့အမွေကို ဆက်ခံနေပါတယ်”ဆိုတဲ့စာသားရေးသားခဲ့ပါတယ်။
မင်းသားဗင်ဒီဇယ်ကလည်း “ဒီနေ့ ၁၁ နှစ်ရှိပြီ။ တချို့နှောင်ကြိုးတွေက ဘယ်တော့မှ မပြတ်ဘူး။ အဆုံးမရှိညီအစ်ကိုသံယောဇဉ်အတွက် ကျေးဇူးတင်ပါတယ်။ မင်းကိုချစ်ပြီး လွမ်းတယ်”လို့ အတူရိုက်ထားတဲ့ပုံနဲ့တကွ ရေးသားခဲ့ပါတယ်။
မင်းသား ပေါလ်ဝေါ်ကာဟာ ၂၀၁၃ ခုနှစ်က ယာဉ်တိမ်းမှောက်မှုဖြစ်ပြီး သေဆုံးသွားခဲ့တာပါ။
Ref: Paul Walker’s ‘Fast & Furious’ co-stars pay tribute 11 years after his death
WL (ရိုးရာလေး)
