လူကြိုက်အများဆုံးအိန္ဒိယဇာတ်လမ်းတွဲတွေဖြစ်တဲ့ Kumkum Bhagya နဲ့ Wagle Ki Duniya မှာ ပါဝင်သရုပ်ဆောင်ခဲ့ပြီး လူသိများခဲ့တဲ့ အိန္ဒိယတီဗီဇာတ်လမ်းတွဲသရုပ်ဆောင်မင်းသမီး ဆန်ချီတာ ယူဂယ်ဟာ ဇွန် ၁၄ ရက်နေ့က ကိုယ့်ကိုယ်ကိုအဆုံးစီရင်ကာ သေဆုံးသွားခဲ့ပါတယ်။
ဒီဖြစ်ရပ်က Sai Santoshi အဆောက်အဦးရှိ သူနေထိုင်တဲ့နေရာမှာ ဖြစ်ပွားခဲ့တာပါ။ ဆန်ချီတာက ည ၇ နာရီနဲ့ ၇ နာရီခွဲဝန်းကျင်ကြား သူ့ရဲ့အိမ်ခန်းတံခါးကို လော့ခ်ချပြီး အခန်းအတွင်း မျက်နှာကြက်ပန်ကာမှာ ဆာရီကို အသုံးပြုကာ ကြိုးဆွဲချခဲ့တာဖြစ်ပါတယ်။ သူ့မိသားစုဝင်နဲ့ အိမ်နီးချင်းတွေက သူ့ကို Vasai-Virar Municipal Hospital ဆီ အမြန်ပို့ဆောင်ခဲ့ပေမဲ့ ဆေးရုံရောက်တဲ့အချိန်မှာ သေဆုံးသွားခဲ့ပြီးပါပြီ။
ကိုယ့်ကိုယ်ကိုအဆုံးစီရင်ရခြင်းအကြောင်းအရင်းအတိအကျကိုတော့ မသိရသေးဘူးလို့ သိရပါတယ်။ နောက်ထပ်စုံစမ်းစစ်ဆေးမှုတွေပြုလုပ်နေကြပါတယ်။ ဒီသတင်းဟာ အနုပညာနယ်ပယ်ကလူတွေနဲ့ သူ့ပရိသတ်တွေကို ထိတ်လန့်သွားစေခဲ့ပါတယ်။
Ref: Kumkum Bhagya Actor Sanchita Ugale, 22, Dies By Suicide Near Mumbai
WL (ရိုးရာလေး)
