ကမ္ဘာကျော်ပေါ့ပ်ဘုရင်မ တေလာဆွစ်ဖ်ဟာ သူ့ချစ်သူ ထရာဗစ်ကယ်လ်စီနဲ့ နှစ်ရက်ကြာ မင်္ဂလာပွဲကျင်းပဖို့အတွက် ပြင်ဆင်နေတယ်ဆိုတဲ့ သတင်းတွေထွက်ပေါ်နေပါတယ်။
၂၀၂၃ ခုနှစ်ကတည်းက ချစ်သူတွေဖြစ်ခဲ့ကြတဲ့ သူတို့စုံတွဲဟာ ဇူလိုင် ၃ ရက်နေ့မှာ လက်ထပ်ဖို့ မျှော်လင့်ရတယ်လို့ သတင်းတွေမှာ ဖော်ပြပါတယ်။ မင်္ဂလာပွဲကျင်းပမယ့်နေရာအနေနဲ့ Madison Square Garden ကို ရွေးချယ်ထားပြီး မိသားစုဝင်၊ သူငယ်ချင်းမိတ်ဆွေ ၁၀၀ ဝန်းကျင်လောက် တက်ရောက်မယ့် ပွဲကို အရင်လုပ်ပြီးမှ ဧည့်သည် ၁၀၀၀ နဲ့ ၂၀၀၀ ကြားတက်ရောက်မယ့် ဧည့်ခံပွဲကြီးတစ်ခုပြုလုပ်မယ်လို့ သိရပါတယ်။ ပထမဆုံးတွေ့ဆုံပွဲကို ဇူလိုင် ၂ ရက်နေ့မှာ ပြုလုပ်ပြီး နောက်တစ်နေ့ ဇူလိုင် ၃ ရက်နေ့ကျ မင်္ဂလာဧည့်ခံကြီးလုပ်ဖို့ မျှော်လင့်ရပါတယ်။
ဒီအစီအစဉ်နဲ့ပတ်သက်ပြီး တေလာနဲ့ ထရာဗစ်တို့က အတည်ပြုထားခြင်းမရှိသေးသလို သူတို့ရဲ့တာဝန်ရှိသူတွေကလည်း ဒီသတင်းအတွက် တုံ့ပြန်လာခြင်းမရှိသေးပါဘူး။
Ref: Taylor Swift reportedly preparing for wedding at New York’s Madison Square Garden
WL (ရိုးရာလေး)
