လေယာဉ်ပြတင်းပေါက်ပွင့်သွားချိန်မှာ ခင်ပွန်းခြေထောက်ကို မြဲမြံစွာဆွဲထားပြီး အသက်ကယ်တင်ခဲ့တဲ့ ဇနီး

အမြင့်ပေ ၂၀၀၀၀ မှာ လေယာဉ်ပြတင်းပေါက် ပွင့်ထွက်သွားပြီး အပြင်ဘက် စုပ်ယူခံရတဲ့ ခင်ပွန်းသည်ရဲ့ ခြေထောက်ကို ဇနီးက မလွှတ်တမ်း ဆွဲကိုင်ထားပြီး အသက်ကယ်တင်ပေးနိုင်ခဲ့ပါတယ်။

ဇူလိုင်လ ၁၀ ရက်က ဂရိနိုင်ငံ သက်ဆာလိုနီကီမြို့မှ ဂျာမနီနိုင်ငံ မန်မင်ဂန်မြို့သို့ ပျံသန်းတဲ့ ခရီးစဉ်အမှတ် FR1879 Boeing 737-800 လေယာဉ်ဟာ အမြင့်ပေ ၂၀၀၀၀ အရောက်မှာ အင်ဂျင်အစိတ်အပိုင်းတစ်ခု ပြုတ်ထွက်သွားပြီး ဆားဘီးယားနိုင်ငံသား ကာရိုဗစ်ရဲ့ဘေးဘက် ပြတင်းပေါက်ကို ထိမှန်ခဲ့တာကြောင့် ပြတင်းပေါက် ပွင့်ထွက်သွားခဲ့တာပါ။

အပြင်ဘက်သို့ စုပ်ယူခံရလို့ ပြတင်းပေါက်မှာ တွဲလောင်းဖြစ်နေတဲ့ ကာရိုဗစ်ရဲ့ ခြေထောက်ကို သူ့ဇနီးက ၅ မိနစ်နီးပါး ဖမ်းဆွဲထားခဲ့ရပါတယ်။ ကာရိုဗစ်တို့ ဇနီးမောင်နှံဟာ ဂရိနိုင်ငံကို အပန်းဖြေ ခရီးထွက်ပြီးအပြန် အခုလို ထိတ်လန့်ဖွယ် ဖြစ်ရပ် ကြုံတွေ့ခဲ့တာ ဖြစ်ပါတယ်။

‘ ငါတို့ သေရင်လည်း အတူတူ သေကြတာပေါ့ ‘ လို့ တွေးမိခဲ့တယ်။ ” တော်တော် ကြောက်စရာကောင်းလွန်းပါတယ်” လို့ ကာရိုဗစ်ရဲ့ဇနီး ဂျာကိုဗစ်က ဆိုပါတယ်။

အဲဒီအချိန်မှာ တခြားခရီးသည်တွေကလည်း သူတို့ကို ကူညီဖို့ ရောက်လာခဲ့ကြပြီး အမျိုးသားတစ်ဦးရဲ့ ကူညီပေးမှုက သူတို့အတွက် အလွန်အထောက်အပံ့ဖြစ်စေခဲ့တယ်လို့ ဂျာကိုဗစ်က ပြောပါတယ်။ ဒီဖြစ်ရပ်ကြောင့် လေယာဉ်ကို ထွက်ခွာရာလေဆိပ်သို့ အရေးပေါ် ပြန်လည်ဆင်းသက်ခဲ့ရပါတယ်။

Ref: Wife who held on to her husband’s legs after he was sucked out of Ryanair jet window at 20,000ft describes battle to save him

NZ (ရိုးရာလေး)