Twilight Saga ဇာတ်ကားထဲမှာ ဝံပုလွေလူသား Jacob Black အဖြစ် ပါဝင်သရုပ်ဆောင်ခဲ့တဲ့ မင်းသား တေလာ လော့တ်နာက သမီးဦးလေးရဲ့ဖခင်ဖြစ်သွားပါပြီ။ သူနဲ့ သူ့ဇနီး တေ ဒိုမီ လော့တ်နာတို့ဟာ ပထမဆုံးအကြိမ်အဖြစ် မိဘတွေဖြစ်လာတော့မယ်ဆိုတာကို မတ်လက ကြေညာခဲ့တာပါ။ ဇွန်လမှာတော့ သူတို့ရဲ့ရင်သွေးလေးက သမီးလေးဖြစ်တယ်ဆိုတာကို ထုတ်ပြောကြားခဲ့ပါတယ်။
အခုဆို သမီးဦးလေးကို မွေးဖွားလိုက်တာ ၁ ပတ်ရှိပါပြီ။ တေလာက သမီးဦးလေးရဲ့နာမည်ကိုဖော်ပြရင်း အင်စတာဂရမ်မှာ စက်တင်ဘာ ၂၄ ရက်နေ့က ပို့စ်တင်ခဲ့တာပါ။ “ချစ်စရာကောင်းတဲ့သမီးလေး လန်နီ (လန်နွန် တေလာ လော့တ်နာ) နဲ့အတူ အချိန်ကုန်ဆုံးခဲ့ရတာ တစ်ပတ်တာကာ (မွေးဖွားရက် ၁၆-၉-၂၀၂၆)”လို့ ရေးသားဖော်ပြခဲ့ပါတယ်။
အနုပညာတော်တော်များများကလည်း သူတို့ရဲ့ပို့စ်မှာ ဂုဏ်ပြုစကားတွေပြောဆိုခဲ့ကြပါတယ်။ Twilight သရုပ်တောင်ဖြစ်တဲ့ နစ်ခီ ရိဒ်က “ရင်ခုန်စိတ်လှုပ်ရှားမှုတွေနဲ့ ပြည့်နှက်နေပါပြီ။ နှစ်ယောက်စလုံး ဂုဏ်ပြုပါတယ်။ မင်းတို့အတွက် အရမ်းပျော်မိတယ်။ ဘေဘီလန်နီလေး….အန်တီနစ်က ပွေ့ဖက်နမ်းရှုပ်ချင်နေပြီ”လို့ မှတ်ချက်ပေးခဲ့ပါတယ်။ Twilight Saga တရားဝင်ပေ့ချ်ကလည်း ဂုဏ်ယူပါတယ်ဆိုတဲ့ စာသားကို မှတ်ချက်ပြုခဲ့ပါတယ်။
မင်းသား တေလာ လော့တ်နာက ၂၀၂၂ ခုနှစ် နိုဝင်ဘာ ၁ ရက်နေ့မှာ လက်ထပ်ခဲ့တာပါ။
Ref: Twilight Saga’s Taylor Lautner becomes a dad
WL (ရိုးရာလေး)
