COVID-19 ကူးစက်ခံရမှာ စိုးရိမ်လို့ မလေးရှားမျိုးနွယ်စုတစ်စု တောထဲထွက်ပြေး

intltoday003.jpg

မလေးရှားနိုင်ငံက တိုင်းရင်းသားမျိုးနွယ်တစ်စုဟာ ကိုရိုနာဗိုင်းရပ်စ် ကူးစက်ခံရမှာ စိုးရိမ်တဲ့အတွက် သူတို့ရဲ့ ရွာဝင်လမ်းကို သစ်လုံးတွေနဲ့ပိတ်ဆို့ထားပြီး အနီးပတ်ဝန်းကျင်က တောထဲကို ထွက်ပြေးခဲ့ကြပါတယ်။ ပြီးခဲ့တဲ့တစ်ပတ်က ဂျီမာရီရွာမှာ နေထိုင်တဲ့ အသက် ၃ နှစ်အရွယ် အိုရမ်အာစလီမျိုးနွယ်ဝင် ကလေးငယ်တစ်ယောက်မှာ COVID-19 ကူးစက်ခံရတယ်လို့ စစ်ဆေးတွေ့ရှိပြီးနောက် အိုရမ်အာစလီမျိုးနွယ်ဝင်တစ်ဝက်နီးပါး တောထဲကို ထွက်ပြေးခဲ့ကြတာပါ။ ကမ္ဘာလှည့်ခရီးသည်တွေကြား ရေပန်းစားတဲ့ ကာမီရွန်ကုန်းမြင့်ဒေသဘေးက ရွာတစ်ရွာမှာ သုံးနှစ်အရွယ် ကလေးငယ်တစ်ယောက် COVID-19 ကူးစက်ခံခဲ့ရတာဖြစ်ပြီး သူ ဘယ်လို ကူးစက်ခံရလဲဆိုတာ တိတိကျကျ မသိရပါဘူး။

မလေးရှားနိုင်ငံ ဖာဟန်ပြည်နယ်က ဂျီမာရီရွာမှာ နေထိုင်တဲ့ အိုရမ်အာစလီ မျိုးနွယ်ဝင်တွေဟာ မလေးရှားနိုင်ငံမှာ အဆင်းရဲဆုံးဖြစ်ပြီး အများဆုံးအထိနာနိုင်တဲ့ မျိုးနွယ်ပါ။ မလေးရှားနိုင်ငံဟာ အရှေ့တောင်အာရှမှာ COVID-19 ကူးစက်ပျံ့နှံ့မှု အဆိုးရွားဖြစ်ပြီး COVID-19 ကူးစက်ခံရသူ ၃၀၀၀ ကျော်၊ သေဆုံးသူ ၅၀ ရှိပါတယ်။ “ကျွန်တော်တို့ တောထဲပဲ ပြန်သွားတော့မယ်။ သီးခြားခွဲနေပြီး စားစရာရှာစားမယ်။ တောထဲမှာ စားစရာဘယ်လိုရှာရမလဲဆိုတာ ကျွန်တော်တို့ သိတယ်။ စိုက်ပျိုးစားသောက်လို့ရတဲ့ အပင်တွေရှိတယ်’’လို့ ဂျီမာရီရွာသား ဘီဒူချီမိုင်က ပြောပါတယ်။ အိုရမ်အာစလီမျိုးနွယ်တွေဟာ မလေးရှားကျွန်းဆွယ်မှာ အစောဆုံးနေထိုင်သူမျိုးနွယ်ကနေ ဆင်းသက်လာသူတွေဖြစ်ပြီး လက်ရှိအချိန်မှာ လူဦးရေ ၂၀၀၀၀၀ နီးပါးရှိပါတယ်။

Nz (ရိုးရာလေး)

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top