ပြီးခဲ့တဲ့ ၆.၄.၂၀၁၉ နေ့က The Summiter အဖွဲ့သားတွေဟာ ပူတာအိုက ဖန်ဂရန်ရာဇီရေခဲတောင်တက်ခရီးစဉ်တစ်ခုကို စတင်ခဲ့ပါတယ်။
အဖွဲ့ဝင်တွေအားလုံး ချစ်ချစ်ခင်ခင် စည်းစည်းလုံးလုံး မဆုတ်မနစ်တဲ့စိတ်ဓာတ်တွေနဲ့ ဖန်ဂရန်ရာဇီတောင်ထိပ်ကိုရောက်အောင် အတူတူကြိုးစားခဲ့ကြပြီးတဲ့နောက် ၁၂.၄.၂၀၁၉ မနက် ၈:၅၀ မှာအဖွဲ့ဝင် အယောက် (၂၀) လုံး တောင်ထိပ်မှာ အောင်ပွဲခံနိုင်ခဲ့ကြပါတယ်။
သူတို့ရဲ့အောင်မြင်မှုအတွက်ပီတိမျက်ရည်တွေနဲ့ အောင်ပွဲခံကြရင်း နိုင်ငံတော်အလံကိုလွှင့်ပြီး နိုင်ငံတော်သီချင်းကိုလည်း သံပြိုင်သီဆိုခဲ့ကြပါသေးတယ်။
ဖန်ဂရန်ရာဇီတောင်ထိပ်ကိုရောက်အောင် အတူတူကြိုးစားခဲ့ကြပြီးတဲ့နောက် ၁၂.၄.၂၀၁၉ မနက် ၈:၅၀ မှာအဖွဲ့ဝင် အယောက် (၂၀) လုံး တောင်ထိပ်မှာ အောင်ပွဲခံနိုင်ခဲ့ကြပါတယ်
ဒါပေမဲ့ စိတ်မကောင်းစရာကတော့ မနက် ၉:၃၀ အချိန် တောင်ထိပ်ကနေပြန်အဆင်းမှာ အဖွဲ့ဝင် တစ်ဦးဖြစ်တဲ့ မ Saint Htet တစ်ယောက် မတော်တဆခြေချော်ပြီး အသက်ဆုံးရှုံးခဲ့ရတဲ့အဖြစ်ပါပဲ။
မတော်တဆခြေချော်ပြီး အသက်ဆုံးရှုံးခဲ့ရတဲ့ မ Saint Htet
ကြီးမားတဲ့အောင်မြင်မှုတစ်ခုရအပြီးမှာ ဆုံးရှုံးမှုကြီးမားခဲ့ရပါတယ်။ အဖွဲ့သားတွေက အစွမ်းကုန်ကြိုးစားရှာဖွေခဲ့ပြီး ပြန်တွေ့ရှိခဲ့ပေမဲ့ ပြန်လည်သယ်ယူဖို့ ဘယ်လိုမှမဖြစ်နိုင်တဲ့အနအထားကြောင့် အဖွဲ့သားအားလုံးဟာ ဝမ်းနည်းကြေကွဲစွာနဲ့ပဲ လက်လျှော့ပြီး လှည့်ပြန်ခဲ့ကြရပါတော့တယ်။
ပြန်တွေ့ရှိခဲ့ပေမဲ့ ပြန်လည်သယ်ယူဖို့ ဘယ်လိုမှမဖြစ်နိုင်တဲ့အနေအထားကြောင့် အဖွဲ့သားအားလုံးဟာ ဝမ်းနည်းကြေကွဲစွာနဲ့ပဲ လက်လျှော့ပြီး လှည့်ပြန်ခဲ့ကြရ
ဒီအဖြစ်အပျက်အတွက် အဖွဲ့သူအဖွဲ့သားတွေအားလုံးက မိသားစုနဲ့ထပ်တူဝမ်းနည်းရပြီး မ Saint Htet အနေနဲ့ ကောင်းမွန်ရာဘုံဘဝကနေ ကိုယ့်ရဲ့အောင်မြင်မှုအတွက် ကိုယ်တိုင် ဂုဏ်ယူသွားနိုင်ခဲ့တယ်ဆိုတာ ယုံကြည်ပါကြောင်း ရေးသားဖော်ပြထားခဲ့ပါတယ်။
Ref: Zaw Khine’s FB
Team (ရိုးရာလေး)
