နာမည်ကြီးကေပေါ့ပ်အဖွဲ့ BLACKPINK ရဲ့ အဖွဲ့ဝင် လီဆာဟာ ၂၀၂၂ ခုနှစ်ရဲ့ MTV Video Music Awards (VMAs) မှာ Best K-pop ဆုကြီးကို ဆွတ်ခူးသွားခဲ့ပါတယ်။
ဒီဆုပေးပွဲကို နယူးဂျာစီပြည်နယ်က Prudential Center မှာ ဩဂုတ်လ ၂၈ ရက်နေ့က ကျင်းပပြုလုပ်သွားခဲ့တာပါ။ အဖွဲ့ဝင်လီဆာ ဆုကြီးမသိမ်းပိုက်ခင် BLACKPINK အဖွဲ့ကလည်း “Best Metaverse Performance” ဆုကို ဆွတ်ခူးခဲ့ပါသေးတယ်။ လီဆာကတော့ သူ့ရဲ့တစ်ကိုယ်တော်သီချင်း LALISA နဲ့ “Best K-pop” ဆုကို ရရှိသွားခဲ့တာပါ။ လီဆာက ကေပေါ့ပ်သမိုင်းတစ်လျှောက်မှာ အဲဒီဆုကို ရရှိတဲ့ ပထမဆုံးတစ်ကိုယ်တော်အဆိုရှင်ဖြစ်လာခဲ့ပါတယ်။
![](https://yoyarlay.com/wp-content/uploads/2022/08/29-8-2022-yyl-02.jpg)
ဆုလက်ခံစဉ် လီဆာက YG Entertainment ရဲ့ ပရိုဂျူဆာ တက်ဒီနဲ့ BLACKPINK ရဲ့ fandom BLINK တို့ကို ကျေးဇူးတင်ခဲ့သလို အားပေးပံ့ပိုးပေးခဲ့ကြတဲ့ သူ့ရဲ့အဖွဲ့ဝင်တွေကိုလည်း ကျေးဇူးတင်ဖို့ မမေ့ခဲ့ပါဘူး။ ဆုပေးပွဲမှာ BLACKPINK အဖွဲ့က အသစ်ထွက်ရှိထားတဲ့ “Pink Venom” သီချင်းနဲ့ အမိုက်စားဖျော်ဖြေတင်ဆက်မှုလည်း လုပ်ခဲ့ပါတယ်။
Ref: Allkpop & Koreaboo “BLACKPINK’s Lisa wins the Best K-Pop award at the VMAs with ‘LALISA'”
Team (ရိုးရာလေး)