ဂရိနိုင်ငံမှာကျင်းပနေတဲ့ ဟယ်လက်စ်အိုးပင်း (Hellas Open) ကြက်တောင်ပြိုင်ပွဲမှာ မြန်မာ့ဂုဏ်ဆောင် ကြက်တောင်မယ် သက်ထားသူဇာက ဗိုလ်လုပွဲတက်ရောက်သွားခဲ့ပါပြီ။ နိုင်ခြေအဆင့် (၃) သတ်မှတ်ခံထားရတဲ့ သက်ထားသူဇာဟာ ပထမအဆင့်မှာ ဟန်ဂေရီကြက်တောင်မယ် မာဒါရက်ဇ်ကို (၂၁-၁၁၊ ၂၁-၁၃) နဲ့ ၂ ပွဲပြတ် အနိုင်ရခဲ့သလို ဒုတိယအဆင့်မှာလည်း ပိုလန်ကြက်တောင်မယ် ဒက်ဇင်စကာကို (၂၁-၁၁၊ ၂၁-၁၅) နဲ့ ၂ ပွဲပြတ် အနိုင်ရခဲ့ပြန်ပါတယ်။
ကွာတားဖိုင်နယ်မှာ ယူကရိန်းကြက်တောင်မယ် ဗော့ဆက်ကို (၂၁-၁၄၊ ၂၁-၁၉) နဲ့ အနိုင်ယူကျော်ဖြတ်ခဲ့ပြီး ဆီမီးဖိုင်နယ်မှာ ပြင်သစ်ကြက်တောင်မယ် လီယိုနစ်ဟူအဲကို (၁၆-၂၁၊ ၂၁-၁၃၊ ၂၁-၁၇) နဲ့ အနိုင်ရခဲ့ပါတယ်။ ဗိုလ်လုပွဲမှာတော့ မလေးရှားကြက်တောင်မယ် ဆယ်ဗာဒူရေးနဲ့ ယှဉ်ပြိုင်ရမှာဖြစ်ပါတယ်။
Photo – Thet Htar Thuzar FB Page
Nz (ရိုးရာလေး)
