လာလီဂါပြိုင်ပွဲကို လာမယ့်ဇွန်လမှာ ပြန်လည်စတင်နိုင်ဖို့ စီစဉ်နေပြီး မေလ ၈ ရက်မှာ လေ့ကျင့်ခန်းပြန်ဆင်းမယ်လို့ ဘာစီလိုနာအသင်းက အတည်ပြုခဲ့ပါတယ်။ ဘာစီလိုနာအသင်းဟာ လာလီဂါဘောလုံးအဖွဲ့ချုပ်က ချမှတ်ထားတဲ့ စည်းမျဉ်းစည်းကမ်းတွေနဲ့အညီ သီးခြားလေ့ကျင့်ခန်းအစီအစဉ် ပြန်လည်စတင်မှာပါ။ တစ်ဦးနဲ့တစ်ဦး ခပ်ခွာခွာနေရေးစည်းမျဉ်းတွေကို လိုက်နာဖို့အတွက် ကစားသမားတွေကို ကွင်း ၃ ကွင်းမှာ ခွဲပြီး လေ့ကျင့်ခန်း ဆင်းခိုင်းမှာဖြစ်ပါတယ်။
COVID-19 ကပ်ရောဂါကြောင့် စပိန်နိုင်ငံတစ်ဝန်း အချိန်အတိုင်းအတာတစ်ခုကြာ ပိတ်ဆို့မှုလုပ်ခဲ့ရပြီးနောက်မှာတော့ လာလီဂါအသင်းတွေက ဒီတစ်ပတ်ထဲမှာ တစ်ဦးနဲ့တစ်ဦး ခပ်ခွာခွာနေရေး စည်းမျဉ်းတွေနဲ့အညီ လေ့ကျင့်ခန်း ပြန်ဆင်းခဲ့ကြပါတယ်။ စပိန်နိုင်ငံဟာ ဥရောပနိုင်ငံတွေထဲမှာ COVID-19 ရောဂါဒဏ်ကို အဆိုးရွားဆုံး ခံစားခဲ့ရတဲ့ နိုင်ငံတစ်နိုင်ငံဖြစ်ပြီး ကူးစက်ခံရသူ ၂၅၆၈၅၅၊ သေဆုံးသူ ၂၆၀၇၀ ယောက် ရှိနေပါတယ်။
Nz (ရိုးရာလေး)
