မေဂျာလိဂ်ကလပ် အယ်အေဂလက်ဇီနဲ့ စာချုပ်သက်တမ်း ကုန်ဆုံးသွားလို့ အသင်းလက်မဲ့ ဖြစ်နေတဲ့ အီဘရာဟီမိုဗစ်ဟာ ပရီးမီးယားလိဂ် ကလပ်တွေရဲ့ ကမ်းလှမ်းမှုကို ငြင်းဆန်ပြီး သူ့ရဲ့အသင်းဟောင်း အေစီမီလန်ကို ပြောင်းရွှေ့ဖို့ သဘောတူညီခဲ့ပြီလို့ သတင်းတစ်ရပ်မှာ ဖော်ပြပါတယ်။ အသက် ၃၈ နှစ်ရှိတဲ့ မိုဗစ်ဟာ ၂၀၁၀-၂၀၁၁ ရာသီမှာ ဘာစီလိုနာကနေ အေစီမီလန်ကို အငှားလာရောက်ကစားခဲ့ပြီး နောက်ရာသီမှာ အေစီမီလန်ကို အပြီးသတ်ပြောင်းရွှေ့ကစားခဲ့သူပါ။
မိုဗစ်ဟာ အေစီမီလန်ရဲ့ မြို့ခံပြိုင်ဘက်ဖြစ်တဲ့ အင်တာမီလန်အသင်းမှာ ၃ ရာသီ ကစားခဲ့ဖူးပြီး ဂျူဗင်တပ်မှာလည်း ကစားခဲ့ဖူးပါတယ်။ မိုဗစ်ဟာ အေစီမီလန်ကို ပြောင်းဖို့ အကြမ်းဖျင်း သဘောတူညီမှု ရယူနိုင်ခဲ့ပြီး ကာလအတော်အတန် ကြာမြင့်မယ့် စာချုပ်မျိုး မချုပ်ဘူးဆိုရင်တောင် အနည်းဆုံးရာသီကုန်အထိ ပြောင်းရွှေ့ကစားဖို့ ရှိနေပါတယ်။
Nz (ရိုးရာလေး)
