သက်တမ်းနုနယ်သေးတဲ့ ရွှေတံတား

ဗီယက်နမ်နိုင်ငံ၊ ဒါနန်းမြို့က ရွှေတံတား (Golden Bridge) ကို မြင်လိုက်ရတဲ့လူတိုင်းက အမြဲတအံ့တဩဖြစ်ရပါတယ်။ စိတ်ကူးယဉ်ကမ္ဘာထဲက ကြီးကျယ်ခမ်းနားတဲ့ ကောင်းကင်မြင့် လူသွားလမ်းတစ်စင်းလိုပါပဲ။ ဗီယက်နမ်အလယ်ပိုင်း Ba Na တောင်တန်းပေါ်ကနေ နတ်ဘုရားလက်လို ကျောက်လက်တစ်စုံက တံတားကို ကိုင်ထားတဲ့ပုံစံပါ။ ဒါဟာ ရှေးခေတ်က တည်ဆောက်ထားသလိုပါပဲ။ တကယ်တော့ ဒီရွှေတံတားက သက်တမ်းအားဖြင့် ၅ နှစ်ပဲရှိပါသေးတယ်။

ဒီတံတားက အရှည် ပေ ၅၀၀ ရှိပြီး ဝါယာပိုက်ကွက်အသစ်တွေ၊ ဖိုင်ဘာမှန်သားပြင်တွေနဲ့ ထောက်ပံ့ပေးထားတာပါ။ ပင်လယ်ရေမျက်နှာပြင်အထက် ၃၂၈၀ ပေ ရှိပြီး အနီးပတ်ဝန်းကျင်က နာမည်ကြီးဥယျာဉ်တွေကို ရောက်ရှိဖို့ ကေဘယ်လ်ကားဂိတ်နဲ့ ချိတ်ဆက်ထားတာပါ။

ဒီတံတားကို တည်ဆောက်ခဲ့တာက ၂၀၁၇ ခုနှစ် ဇူလိုင်လမှာဖြစ်ပြီး ၂၀၁၈ ခုနှစ် ဧပြီမှာ ဆောက်လုပ်ပြီးစီးခဲ့တာပါ။ ရွှေတံတားကို ဖွင့်လှစ်ခဲ့တာက ၂၀၁၈ ခုနှစ် ဇွန်လမှာပါ။ ဖွင့်လှစ်ခဲ့တာ ၅ နှစ်ပဲရှိသေးပေမဲ့ လည်ပတ်ဖို့ အထင်ကရနေရာစာရင်းထဲမှာ ပါဝင်ပြီး ခရီးသွားဧည့်သည်တွေကို ဆွဲဆောင်ထားပါတယ်။

Ref: Celebrating The Fifth Anniversary Of Golden Bridge, A Modern, Man-Made Wonder Of The World

WL (ရိုးရာလေး)