အမေရိကန်နိုင်ငံရဲ့ စစ်ဘက်ဆိုင်ရာ အရေးပါတဲ့ တည်နေရာတွေကို ကင်းထောက်နေတယ်ဆိုတဲ့ တရုတ်မိုးပျံပူဖောင်းကို အတ္တလန္တိတ်သမုဒ္ဒရာပေါ်မှာ အမေရိကန်တိုက်လေယာဉ်က ပစ်ချခဲ့ပါတယ်။ F-22 တိုက်လေယာဉ်က AIM-9X Sidewinder ဒုံးကျည်နဲ့ ပစ်ချခဲ့တာပါ။
အမေရိကန် ရုပ်သံလိုင်းတွေရဲ့ မှတ်တမ်းတွေအရ မိုးပျံပူဖောင်းဟာ ပေါက်ကွဲပြီး သမုဒ္ဒရာထဲ ကျသွားတာတွေ့ရပါတယ်။ အမေရိကန် ကမ်းရိုးတန်းကနေ ရေမိုင် ၆ မိုင်ကွာဝေးတဲ့နေရာကို ကျသွားတာလို့ အမေရိကန်ကာကွယ်ရေးအရာရှိတစ်ဦးက ဆိုပါတယ်။
၇ မိုင်အကွာအဝေးအထိ ပြန့်ကြဲသွားတဲ့ မိုးပျံပူဖောင်းရဲ့ အပျက်အစီးအပိုင်းအစတွေကို အမေရိကန်စစ်တပ်က ရေတပ်သင်္ဘောနှစ်စင်းနဲ့ လိုက်လံဆယ်ယူလျက်ရှိပါတယ်။
အရပ်ဘက်ဆိုင်ရာ အသုံးပြုတဲ့ မောင်းသူမဲ့ မိုးပျံပူဖောင်းကို အမေရိကန်က အခုလို တိုက်ခိုက်ခဲ့တဲ့အပေါ် မကျေမနပ်ဖြစ်မိတယ်လို့ တရုတ်နိုင်ငံခြားရေးဝန်ကြီးဌာနက ထုတ်ပြန်ခဲ့ပါတယ်။
Ref: China balloon: US shoots down airship over Atlantic’
NZ (ရိုးရာလေး)
