ရန်ကုန် ဩဂုတ် ၂၁
COVID-19 ရောဂါထိန်းချုပ်နိုင်ဖို့အတွက် လူအင်အား၊ ငွေအင်အား အများအပြား ထုတ်သုံးနေရပြီလို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က သူ့ရဲ့ လူမှုကွန်ရက်စာမျက်နှာကနေတစ်ဆင့် ထုတ်ဖော် ပြောကြားလိုက်ပါတယ်။
”စစ်တွေမှာ COVID-19 ရောဂါပိုးတွေ့ရှိထားမှုများနေတာ ပြည်သူများသိပြီးထင်ပါတယ်။ ရောဂါရသူ မည်သူ မဆို စိတ်မချမ်းမသာ ဘယ်လောက်ဖြစ်မယ်ဆိုတာ မှန်းဆနိုင်တာကြောင့် မပြောချင်ပေမယ့် အများပြည်သူ သတိရှိ နိုင်ဖို့အတွက် ပြောပါရစေ”လို့ အစချီပြီး အခုကိစ္စကို ပြောကြားလိုက်တာဖြစ်ပါတယ်။
ချမှတ်ထားတဲ့ စည်းမျဉ်းစည်းကမ်းတွေကို ချိုးဖောက်ပြီး အလည်အပတ်ခရီးထွက်ခဲ့တဲ့ ဝန်ထမ်း ၃၊ ၄ ဦးက တစ်ဆင့် ရောဂါပြန့်ပွားခဲ့တဲ့အတွက် စစ်တွေမြို့မှာ Stay at Home ညွှန်ကြားချက်နဲ့ ရောဂါထိန်းချုပ်ရေးဆိုင်ရာ စည်းမျဥ်းများ ထုတ်ပြန်ထားရပြီလို့လည်း ၎င်းက ဆိုပါတယ်။
Photo – Myanmar State Counsellor Office
KST(ရိုးရာလေး)
