ဂျူဗင်တပ်တိုက်စစ်မှူး ဒီဘားလားဟာ ဂျူဗင်တပ်အသင်းဖော် ရော်နယ်ဒိုကို ကျော်ဖြတ်ပြီး ၂၀၁၉-၂၀ ရာသီ စီးရီးအေပြိုင်ပွဲရဲ့ တစ်နှစ်တာအကောင်းဆုံး ကစားသမားဆု ဆွတ်ခူးခဲ့ပါတယ်။ ဒီဘားလားဟာ ၂၀၁၉-၂၀ ရာသီမှာ ဂျူဗင်တပ်အသင်းအတွက် ၃၃ ပွဲ ကစားပြီး ၁၁ ဂိုးသွင်း၊ ၁၁ ဂိုး ဖန်တီးနိုင်ခဲ့သူပါ။ ၂၀၁၈-၁၉ ရာသီမှာ ဒီဆုကို ဆွတ်ခူးခဲ့တဲ့ ဂျူဗင်တပ်တိုက်စစ်မှူး ရော်နယ်ဒိုဟာ ဒီရာသီမှာ ဂျူဗင်တပ်အတွက် ၃၁ ဂိုးအထိ သွင်းယူနိုင်ခဲ့ပေမဲ့ ဒီဆုကို ဆက်လက်ထိန်းသိမ်းနိုင်ခြင်း မရှိပါဘူး။ ရော်နယ်ဒိုဟာ စီးရီးအေမှာ ၃၁ ဂိုး သွင်းယူနိုင်ခဲ့ပေမဲ့ လာဇီယိုတိုက်စစ်မှူး အမ်မိုဘိုင်းထက် ၅ ဂိုးနည်းခဲ့လို့ စီးရီးအေဂိုးသွင်းဘုရင်ဆုကို လက်လွှတ်ဆုံးရှုံးခဲ့ပါတယ်။
ဂျူဗင်တပ်အသင်း ခေါ်ယူထားတဲ့ ကစားသမားသစ် ကူလူဆက်စကီကတော့ ပါးမားအသင်းမှာ အငှားသွားရောက်ကစားနေတုန်း ခြေစွမ်းပြနိုင်ခဲ့လို့ တစ်နှစ်တာအကောင်းဆုံး လူငယ်ကစားသမားဆု ဆွတ်ခူးနိုင်ခဲ့ပါတယ်။ ဂျူဗင်တပ်ဂိုးသမား ရှက်ဇီနီက အကောင်းဆုံးဂိုးသမားဆု၊ အင်တာမီလန်နောက်ခံလူ စတီဖန်ဒီဗရိုင်းက အကောင်းဆုံးခံစစ်မှူးဆု၊ အတ္တလန္တာကွင်းလယ်လူ ပါပူဂိုမက်ဇ်က အကောင်းဆုံးကွင်းလယ်ကစားသမားဆု၊ လာဇီယိုတိုက်စစ်မှူး အမ်မိုဘိုင်းက အကောင်းဆုံး တိုက်စစ်မှူးဆု ဆွတ်ခူးခဲ့ကြပါတယ်။
Nz ( ရိုးရာလေး )
