နည်းပညာလောကရဲ့ ထိပ်တန်းကုမ္ပဏီတွေဖြစ်တဲ့ ဖေ့ဘွတ်ခ်နဲ့ ဂူဂဲလ်ကုမ္ပဏီတွေကတော့ သူတို့ရဲ့ဝန်ထမ်းတွေကို ၂၀၂၀ ပြည့်နှစ်ကုန်တဲ့အထိ အိမ်ကနေ အလုပ်လုပ်ခွင့်ပေးမယ်လို့ ကြေညာထားပါတယ်။ ဖေ့ဘွတ်ခ်နဲ့ ဂူဂဲလ်ကုမ္ပဏီတွေက သူတို့ရဲ့ရုံးခန်းတွေကို မကြာခင် ပြန်ဖွင့်းဖို့ စီစဉ်နေပေမဲ့ အိမ်ကနေ အလုပ်လုပ်တာကိုလည်း ခွင့်ပြုပေးသွားမှာပါ။ ကိုရိုနာဗိုင်းရပ်စ် ကပ်ရောဂါနဲ့ ရင်ဆိုင်နေရချိန်မှာ တချို့ဝန်ထမ်းတွေက ရုံးပြန်တက်ရမှာကို စိုးရိမ်ပူပန်နေကြပါတယ်။
အစောပိုင်းမှာ ဂူဂဲလ်ကုမ္ပဏီက ဇွန်လ ၁ ရက်နေ့အထိ အိမ်ကနေ အလုပ်လုပ်ခွင့်ပေးမယ်လို့ ပြောခဲ့ပေမဲ့ အခုအခါမှာတော့ အိမ်ကနေ အလုပ်လုပ်ခွင့်ပေးတဲ့ကာလကို နောက်ထပ် ၇ လ တိုးမြှင့်ပေးခဲ့ပါတယ်။ ကိုရိုနာဗိုင်းရပ်စ်နဲ့ပတ်သက်တဲ့ ပိတ်ဆို့မှုတွေကို တဖြည်းဖြည်းချင်း လျှော့ချပေးနေလို့ ဇူလိုင်လ ၆ ရက်နေ့မှာ သူတို့ကုမ္ပဏီရဲ့ ရုံးတွေကို ပြန်ဖွင့်မယ်လို့ ဖေ့ဘွတ်ခ်က ပြောပါတယ်။ ဘယ်ဝန်ထမ်းတွေကို ရုံးပြန်တက်ခိုင်းရမလဲဆိုတာကတော့ စဉ်းစားနေတုန်းပဲလို့ ဖေ့ဘွတ်ခ်ရဲ့ ပြောရေးဆိုခွင့်ရှိသူက ပြောပါတယ်။ ဖေ့ဘွတ်ခ်ကုမ္ပဏီဟာ ဝန်ထမ်းတွေကို အိမ်ကနေ အလုပ်လုပ်ခွင့်ပေးတဲ့ ပထမဆုံး နည်းပညာကုမ္ပဏီတစ်ခုဖြစ်ပြီး ကလေးစောင့်ရှောက်မှုစရိတ်အဖြစ် ဝန်ထမ်းတွေကို ဆုကြေးငွေ အမေရိကန်ဒေါ်လာ ၁၀၀၀ ပေးခဲ့ပါတယ်။
Nz (ရိုးရာလေး)
