မိုးရာသီမှာ ခြေထောက်ကို ဘယ်လိုဂရုစိုက်ထိန်းသိမ်းမလဲ

ကိုယ့်ကိုယ်ကိုယ်ယုံကြည်ချက်ရှိဖို့အတွက် ကျန်းမာရေးနဲ့ညီညွှတ်ပြီး နူးညံ့ချောမွေ့တဲ့ခြေထောက်တစ်စုံကလည်း အရေးကြီးပါတယ်။ မျက်နှာကိုပဲ အချိန်ပေးပြီးဂရုစိုက်ဖြစ်ပေမဲ့ ခြေထောက်ကို ဂရုစိုက်ဖို့ မေ့လျော့နေတတ်ကြပါတယ်။ ခြေထောက်ကို ဂရုစိုက်ဖို့ လျစ်လျူရှုထားရင် ခြေထောက်ရောဂါပိုးဝင်တာ၊ အနာဖြစ်တာတွေဖြစ်လာတတ်ပါတယ်။ မိုးရာသီမှာဆိုရင်လည်း ခြေထောက်က မိုးရေနဲ့ အထိများတဲ့အခါ ခြေထောက်သဲဝဲစားတာ၊ ခြေထောက်မှိုကူးတာတွေဖြစ်လာနိုင်ပါတယ်။ ဒါကြောင့် ကျန်းမာရေးနဲ့ ညီညွှတ်ပြီး နူးညံ့ချောမွေ့တဲ့ခြေထောက်လေးဖြစ်ဖို့အတွက် လွယ်ကူတဲ့နည်းလမ်းတော်တော်များများရှိပါတယ်။ အဲဒီနည်းလမ်းတွေက တချို့ကို ဖော်ပြပေးလိုက်ရပါတယ်။

၁ ခြေထောက်ကို သန့်ရှင်းခြောက်သွေ့အောင် ထားပါ

သင့်ခြေထောက်ကို အမြဲတမ်း သန့်ရှင်းပေးပါ။ Scrub နဲ့ ခြေထောက်ကို သန့်ရှင်းပေးပြီး လုံးဝရေခြောက်သွားအောင် လုပ်ပါ။ မှိုနဲ့ ဘတ်တီးရီးယားတွေက စိုစွတ်တာကို ကြိုက်နှစ်သက်ကြပါတယ်။ ဒါကြောင့် သင့်ခြေထောက်ကို ခြောက်သွေ့အောင်ထားတာက သင့်ခြေထောက်ကို သန့်ရှင်းစေပြီး မှိုရောဂါကင်းဝေးစေမှာဖြစ်ပါတယ်။

၂ moisturizer လိမ်းပေးပါ

ရေချိုးပြီးတိုင်း ခြေထောက်ကို moisturizer လိမ်းပေးဖို့ မမေ့ပါနဲ့။ moisturizer လိမ်းပေးတာက သင့်ခြေထောက်ကို နူးညံ့စေပြီး ရေဓာတ်ပြည့်ဝနေစေမှာဖြစ်ပါတယ်။

၃ ခြေသည်းကို သေချာညှပ်ပေးပါ

သင့်ခြေသည်းတွေကို အရေပြားနဲ့ အရမ်းနီးကပ်ပြီး မညှပ်ပါနဲ့။ ခြေသည်းကို အဲဒီလိုညှပ်တာက ခြေစွယ်ငုပ်တာတွေဖြစ်လာနိုင်ပါတယ်။

၄ လေဝင်လေထွက်ကောင်းတဲ့ ဖိနပ်ကို ရွေးချယ်ပါ

ခြေထောက်ချွေးထွက်တာဖြစ်နိုင်တဲ့အတွက် ကျပ်လွန်းတဲ့ဖိနပ်တွေကို မဝတ်ပါနဲ့။ သင့်ခြေထောက်ကို ကျန်းမာရေးနဲ့ညီညွှတ်စေဖို့ဆိုရင် သက်တောင့်သက်သာဖြစ်တဲ့ ဖိနပ်တွေကို ရွေးချယ်ဝတ်ဆင်ပါ။

၅ Foot Mask ကပ်ပေးပါ

သင့်ခြေထောက်ကို တစ်ပတ် ၁ ခါလောက်ဖြစ်ဖြစ် Mask ကပ်ပေးပါ။ ဒါမှ သင့်ခြေထောက်လေး ကျန်းမာရေးနဲ့ညီညွှတ်ပြီး နူးညံ့ချောမွေ့လာမှာဖြစ်ပါတယ်။

အခြား ခန္ဓာကိုယ်အစိတ်အပိုင်းတွေလိုပဲ ခြေထောက်ကိုလည်း ဂရုစိုက်ထိန်းသိမ်းဖို့ အရမ်းအရေးကြီးပါတယ်။ သင့်ခြေထောက်ကို ဂရုစိုက်ဖို့အတွက် အချိန်အနည်းငယ်ပေးဖို့ အကြံပြုချင်ပါတယ်။

Ref: How to keep your feet happy and healthy in monsoon
WL (ရိုးရာလေး)