ငှက်ဖျားရောဂါ ကုသဖို့ အသုံးပြုတဲ့ ဟိုက်ဒရိုစီကလိုရိုကွင်း(hydroxychloroquine) ဆေးက ဘေးအန္တရာယ်စိုးရိမ်ရတဲ့အတွက် ကိုရိုနာဗိုင်းရပ်စ် ကုသနိုင်ခြင်း ရှိ၊ မရှိ စမ်းသပ်နေမှုကို ကမ္ဘာ့ကျန်းမာရေးအဖွဲ့ချုပ် (WHO)က ရပ်ဆိုင်းလိုက်ပါပြီ။ နိုင်ငံတော်တော်များများမှာ စမ်းသပ်နေတာကို ကြိုတင်ကာကွယ်မှုအနေနဲ့ ယာယီဆိုင်းငံ့လိုက်တယ်လို့ WHO က ပြောပါတယ်။
မကြာသေးခင်က ထုတ်ပြန်ခဲ့တဲ့ ဆေးပညာလေ့လာမှုမှာ ဟိုက်ဒရိုစီကလိုရိုကွင်းဆေးက COVID-19 လူနာတွေအတွက် ကျန်းမာရေးအကျိုးကျေးဇူးမရှိတဲ့အပြင် သေဆုံးနိုင်ခြေ မြင့်တက်စေတယ်လို့ တွေ့ရှိပြီးနောက်မှာ WHO က အခုလိုဆိုင်းငံ့လိုက်တာပါ။ အမေရိကန်သမ္မတ ဒေါ်နယ်ထရမ့်ကတော့ ကိုရိုနာဗိုင်းရပ်စ် ကာကွယ်နိုင်ဖို့ ဟိုက်ဒရိုစီကလိုရိုကွင်းဆေး သောက်နေတယ်လို့ ပြောခဲ့ဖူးပါတယ်။
Nz ( ရိုးရာလေး)
